ट्रेन्डिङ

असोज २ । विदेशमा रहेका नेपालीलाई पनि आगामी निर्वाचनमा मतदान गर्न सक्ने वातावरण बनाउने तयारीमा सरकार लागेको छ । विदेश स्थित विभिन्न देशमा बसोवास गर्ने नेपालीहरुका लागि भोटिङ एक्सेस प्रदान गर्ने गरी तयारी गरेको बुझिएको छ । यसका लागि सरकारलाई कानुनी अधिकार पनि आवश्यक हुन्छ । जसका लागि सरकारले अध्यादेशबाटै भएपनि कानुन निर्माण गरेर उक्त कार्यको तयारी गर्न लागिएको स्रोतको दाबी छ । गृहमन्त्रीको कसरतः गृहमन्त्री ओमप्रकाश अर्यालले यसपटक जसरी भएपनि विदेशमा रहेका नेपालीलाई पनि मतदानमा सहभागी गराउने तयारी गरेको बताएका छन् । सर्वोच्च अदालतको आदेशलाई कार्यान्वयन गर्ने गरी विदेशमा रहेका नेपालीलाई पनि मतदान गर्ने सक्ने व्यवस्था गर्न आफूले कसरत गरिरहेको उनले बताएका हुन् ।  निर्वाचन आयोगले शुरु गरेको निर्वाचन सम्बन्धी छलफलमा बिहीबार कानुन मन्त्री समेत रहेका मन्त्री अर्यालले यस्तो बताएका हुन् ।...

भदौ ३०, निराजन पौडेल, पाल्पा । अर्थमन्त्री रामेश्वर खनालले सोमबार पद तथा गोपनीयताको शपथ ग्रहण गरेका छन् । आजै उनी अर्थ मन्त्रालय पुगेर पद पनि सम्हालेका छन् । उनको पहिलो निर्णयका रुपमा टुक्रे योजनालाई एकिकृत गर्ने तर्फ कदम बढाएका छन् । आज मात्रै नियुक्ति भएका तीन मन्त्रीहरु सबै उर्जावान् र आशलाग्दा त छन् नै तर अर्थमन्त्रालय जस्तो संवेदनशील र अत्यन्तै जटिल मन्त्रालय सम्हालेका मन्त्री जहिले पनि बढि नै केन्द्रमा हुने गर्दछन् । यसमा पनि जेन जी को योगदानमूलक आन्दोलनबाट रोजाइमा परेका अहिलेका अर्थमन्त्री हुन् खनाल । उनीबाट धेरै विषयमा आश राखेका छन् नेपाली जनताले र नेपालको अर्थतन्त्रले पनि । एक किसिमले भन्ने हो भने भरखरै आन्दोलनबाट उठ्न लागेको सरकारलाई सम्हालेर अगाडि बढ्ने चुनौति अर्थसँग मात्रै जोडिँदैन । तर स्वयम् प्रधानमन्त्री सुशीला कार्की समेतको कार्य मूल्यांकनमा प्रभाव पार्नेछ अहिलेको अर्...

भदौ ३०, निराजन पौडेल पाल्पा । भदौ २३ र २४ गते भएको जेन जी आन्दोलनले धेरै कुरामा उथलपुथल ल्याएको छ । आन्दोलनकै जगमा पुरानो सत्ता परिवर्तन भई नयाँ सरकारको निर्माण भएको छ । जसमा नेपालकै पहिलो महिला प्रधानमन्त्रीले नेतृत्व सम्हालेकी छिन् । सुशीला कार्की प्रधानमन्त्री भएसँगै भएका अनेकौं चर्चाका विषयहरुमा अझै पनि पूर्णविराम भने लागेको छैन । जस अन्तर्गतको चर्चाको विषय हो नयाँ मन्त्रीमण्डल निर्माणको विषय । नयाँ मन्त्रीहरु नियुक्त गर्नका लागि बाहिर आएका नामहरु प्रायः सबै चर्चामा छन् । यद्दपी ती नामहरुमा यसअघि देखि नै तरङ्गित नाम हो कुलमान घिसिङ । उज्यालो नेपालका नायकका रुपमा चिनिने कुलमानलाई नचिन्ने नेपालमा सायदै होलान् । उनी नेपाल विद्युत प्राधिकरणको कार्यकारी निर्देशक भएका वेला नेपालमा लोडसेडिङको अन्त्य भएको थियो । यसैले पनि उनलाई सबैलै निकै सम्झने गर्छन् । अहिले उनै त्यहि विद्युत प्राधिकरणक...

३० भदौ । प्रधानमन्त्री सुशीला कार्कीले नाम टुङ्गिएका नयाँ मन्त्रीहरुलाई नियुक्ति र जिम्मेवारी प्रदान गर्ने तयारी भएको छ । हिजो अबेर रातिसम्ममा हाल सम्म तीन जनाको नाम टुङ्गो लागेको छ भने अन्य मन्त्रीको पनि खोजी जारी रहेको बुझिएको छ । हालसम्म कुलमान घिसिङलाई उर्जा सहित भौतिक पूर्वाधार र यातायात तथा शहरी विकास मन्त्रालयको पनि जिम्मेवारी दिन लागिएको छ । यस्तै अर्थमा पूर्व अर्थ सचिव रामेश्वर खनाल र गृहमा ओमप्रकाश अर्यालले जिम्मेवारी पाउने पक्का भएको छ । घिसिङ विद्युत प्राधिकरणका पूर्व कार्यकारी निर्देशक हुन् । रामेश्वर खनाल पूर्व अर्थ सचिव हुन् भने अर्याल काठमाडौैं महानगरका मेयर बालेन्द्र शाहका सल्लाहकार भएका व्यक्ति हुन् । तीनै जना मन्त्रीलाई आजै राष्ट्रपति समक्ष पद तथा गोपनीयताको सपथ गराउने तयारी पनि रहेको स्रोतले जनाएको छ ।...

२९ भदौ । जेन जी आन्दोलनका क्रममा नेपालकै न्यायको सर्वोच्च धरोहर सर्वोच्च अदालतको मुख्य भवन नै जलेर खरानी बनेपछि अदालतले पालमूनीबाटै न्यायिक सेवाको पुनः शुरुवात् गरेको छ । न्याय सेवा रोकिन नहुने र रोक्न नमिल्ने विषय भएकोले पनि अफ्ठेरो अवस्थाबाटै भएपनि सर्वोच्च अदालतले न्याय सेवा प्रदान गर्ने प्रक्रिया सुचारु गरेको हो । गत २४ गते भएको जेन जी आन्दोलनमा सर्वोच्च अदालत पनि अछुतो रहन सकेन । सर्वोच्च अदालतको मूल भवनका साथै मिसिल लगायत महत्वपूर्ण कागजात समेत आन्दोलनकारीको आगजनीमा जलेर नष्ट भएपछि अदालतले पालमूनी बसेरै भएपनि सेवा सुचारु गरेको छ । जलेर खरानी बनेको मूल भवनमै अदालतका न्यायाधिशहरुको पूर्ण बैठक बस्दै आजबाट सेवा सुचारु गर्ने निर्णय गरेको थियो ।...

२९ भदौ । राष्ट्रिय स्वतन्त्र पार्टी (रास्वपा) कि नेतृ सुमना श्रेष्ठले पार्टी परित्याग गरेकी छिन् । पूर्वशिक्षामन्त्री सुमना श्रेष्ठले आज पार्टी परित्याग गरेको घोषणा गरेकी हुन् । उनले केही महिनाअघि पार्टीको सहमहामन्त्रीबाट राजीनामा दिएकी थिइन् ।

२९ भदौ । जेनजी युवाको आन्दोलनमा मृत्यु भएकाहरूलाई सरकारले शहीद घोषणा गर्दै प्रत्येक परिवारलाई १० लाख रुपैयाँ राहत दिने निर्णय गरेको छ । आज पदभार ग्रहण गरेकी प्रधानमन्त्री सुशीला कार्कीले उक्त निर्णयमा हस्ताक्षर गरेकी छन् । मुख्य सचिव एकनारायण अर्यालका अनुसार आन्दोलनमा ५९ जना प्रदर्शनकारी, १० जना कैदीबन्दी र ३ जना सुरक्षाकर्मी गरी कुल ७२ जनाको ज्यान गएको छ । त्यस्तै, १३४ जना प्रदर्शनकारी र ५७ जना प्रहरी घाइते भएका छन् ।...

२९ भदौ । नव नियुक्त प्रधानमन्त्री सुशिला कार्कीले पदभार ग्रहण गर्नुभएको छ । यसअघि गृह मन्त्रालयका लागि भनी तयार गरिएको भवनमा प्रधामन्त्रीको कार्यकक्ष तयार गरिएको थियो । सोही भवनमा प्रधानमन्त्रीको कार्यकक्ष तयार गरिएको थियो । सोही स्थानमा आज प्रधानमन्त्रीले पदभार ग्रहण गर्नुभएको हो । पदभार ग्रहण कार्यक्रममा नेपाल सरकारका मुख्यसचिव सचिव लगायत विशिष्ठ कर्मचारी र सुरक्षा प्रमुख एवं पत्रकारहरुको सहभागिता रहेको थियो ।...

२९ भदौ । नव नियुक्त प्रधानमन्त्री सुशिला कार्कीले मन्त्रिपरिषद् विस्तारको तयारी थाल्नुभएको छ । प्रधानमन्त्रीमा नियुक्त भएसँगै हिजो नयाँ मन्त्री चयनका लागि सामाजिक सञ्जालहरु मार्फत खोजी गर्ने विषय चर्चामा रहेको थियो । आज भने प्रधानमन्त्री कार्कीले साँझसम्म मन्त्री मण्डल निर्माण गर्ने गरी तयारी भइरहेको स्रोतले बताएको छ । यसका लागि प्रधानमन्त्री कार्कीले जेन जी तथा अन्य प्रतिनिधिहरुसँग परामर्श गरिरहुनु भएको बुझिएको छ । हाल प्रधानमन्त्री कार्कीले नै सबै मन्त्रालयको जिम्मेवारी सम्हालीरहनु भएको छ । यसअघि हिजो दिनभर प्रधानमन्त्री कार्की आन्दोलनका घाइतेहरुसँगको भेटघाट र केही क्षतिग्रस्त क्षेत्रको अवलोकनमा व्यस्त रहनुभएको थियो ।...