ट्रेन्डिङ

बैशाख ०४, आज वैशाख कृष्ण औँसीका अवसरमा देशभर आमाको मुख हेर्ने पर्व श्रद्धा र भक्तिसाथ मनाइँदैछ । यस दिन छोराछोरीले आफ्नी आमालाई सम्मान गर्दै मीठा खानेकुरा खुवाउने, राम्रो लुगा लगाइदिने र आशीर्वाद लिने परम्परा छ । आमा नभएकाहरूले भने तर्पण, पिण्डदान र सिदादान गरी दिवङ्गत आमाको सम्झना गर्ने चलन रहेको छ । वैदिक शास्त्रअनुसार आमा पिताभन्दा पनि महान् मानिन्छिन् र “जननी जन्मभूमिश्च स्वर्गादपि गरियसी” भन्ने उक्तिले आमा र जन्मभूमिको उच्च महत्व दर्शाउँछ ।  ...

बैशाख ३ तानसेनमा प्रदेश र स्थानीय तहबीच कानुन निर्माणमा सहकार्य बढाउने उद्देश्यले अन्तरक्रिया कार्यक्रम सम्पन्न भएको छ । कार्यक्रममा जनप्रतिनिधिहरूले कानुन निर्माण, कार्यान्वयन तथा त्यस क्रममा देखिएका समस्याबारे छलफल गर्दै आपसी समन्वय आवश्यक रहेको बताएका छन् । उपसभामुख मेनुका खाँड केसी, स्वास्थ्य मन्त्री खेम बहादुर सारु लगायतले व्यवहारिक जटिलता समाधानमा सहकार्यको आवश्यकता औंल्याएका थिए । प्रदेश सभा सचिव दुर्लभ कुमार पुन र उपसचिव लोकमणि पाण्डेले कानुन निर्माण प्रक्रियाबारे सहजीकरण गरेका थिए । सहभागीहरूले यस्ता कार्यक्रमले स्थानीय तहको विधायिकी क्षमता अभिवृद्धि र तीन तहबीच कानुनी समन्वयमा सहयोग पुग्ने विश्वास व्यक्त गरेका छन् । लुम्बिनी प्रदेश सभा सचिवालयद्वारा आयोजित कार्यक्रममा सभामुख तुलाराम घर्ती मगरको अध्यक्षता रहेको थियो ।...

बैशाख ०२, बजार क्षेत्रमा बढ्दो अव्यवस्थित व्यापारका कारण पैदल यात्रु प्रभावित भएपछि बुटवल उपमहानगरपालिकाले फुटपाथ खाली गराउने अभियान थालेको छ । पूर्वसूचना दिँदा पनि अटेर भएपछि बुधबार डोजर प्रयोग गरी ठेला तथा सडक छेउका सामग्री हटाइएको हो । पहिलो चरणमा फुटपाथ व्यापार हटाइने र दोस्रो चरणमा सडकमा छाडा छोडिएका गाई-बस्तुको व्यवस्थापन गरिने छ । यस अभियानले शहरलाई व्यवस्थित, सुरक्षित र आकर्षक बनाउन मद्दत पुग्ने विश्वास गरिएको छ ।...

फागुन २९, नेपाल आयल निगमले खाना पकाउने एलपी ग्यासको आपूर्ति व्यवस्थापन गर्न सिलिन्डर आधा भरेर बिक्री गर्ने निर्णय गरेको छ । निगमले जारी गरेको प्रेस विज्ञप्तिअनुसार हालको परिस्थितिलाई ध्यानमा राख्दै आजदेखि अर्को निर्णय नभएसम्म प्रत्येक ग्यास सिलिन्डरमा ७.१ केजी एलपी ग्यास भरेर बिक्री गरिनेछ । यसरी आधा भरिएको सिलिन्डरको मूल्य ९५५ रुपैयाँ तोकिएको छ । मध्यपूर्व क्षेत्रमा जारी युद्धका कारण विश्वभर पेट्रोलियम पदार्थ तथा एलपी ग्यासको आपूर्तिमा असर परेको निगमले जनाएको छ ।...

फागुन २९, निर्वाचन आयोगले समानुपातिक प्रणालीतर्फको अन्तिम परिणाम सार्वजनिक गरेको छ । आयोगले समानुपातिक प्रणालीतर्फको अन्तिम परिणाम सार्वजनिक गर्दै सिट बाँडफाँट गरेको हो । आयोगले तीन प्रतिशत पार गर्ने ६ दलले प्राप्त गरेको सिट संख्या सार्वजनिक गरेको हो । आयोगका अनुसार राष्ट्रिय स्वतन्त्र पार्टी रास्वपाले ५७, नेपाली कांग्रेसले २०, नेकपा (एमाले) ले १६, नेकपाले ९, श्रम संस्कृतिले ४ र राप्रपा ४ सिट प्राप्त गरेका छन् ।...

फागुन २७, समानुपातिक निर्वाचन प्रणालीतर्फ हालसम्म कुल एक करोड सात लाख २० हजार ५६७ मतगणना भएको छ । जसमा, राष्ट्रिय स्वतन्त्र पार्टीले सबैभन्दा बढी अर्थात् ५१ लाख १९ हजार ६१९ मत प्राप्त गरेको छ । मतगणना जारी छ । प्रत्यक्षतर्फको नतिजा भने सोमबार नै आइसकेको छ ।

फागुन १८, नेकपा एमालेबाट पाल्पा क्षेत्र नं. २ का उम्मेदवार ठाकुर प्रसाद गैरेले युवाहरूलाई स्वदेशमै बस्ने र स्वरोजगार बन्ने वातावरण निर्माणका लागि आफूले नीतिगत तहमा आवाज उठाउने प्रतिबद्धता जनाउनुभएको छ । चुनावी अभियानलाई तीव्र पार्दै तानसेन–१४ को अर्गली र तानसेनका विभिन्न वडामा  पुग्नुभएका उहाँले बढ्दो युवा पलायन र बसाइँसराईँ आजको मुख्य चुनौती रहेको बताउँदै त्यसको समाधानका लागि कृषिमा आधुनिकीकरण र पूर्वाधार विकासमा जोड दिने बताउनु भएको हो । मतदातको घरदैलोमा पुगेर उम्मेदवार गैरेले संविधान रक्षाका लागि एमालेको सूर्य चुनाव चिन्हमा मतदान गर्न आग्रहसमेत गर्नुभएको छ । उहाँले एमाले केवल सरकार बनाउने वा पद हासिल गर्ने उद्देश्यका लागि नभई मुलुकको जटिल अवस्थाबाट निकास दिन निर्वाचनमा होमिएको बताउनुभयो । यो निर्वाचन सामान्य प्रतिस्पर्धा नभएर देशको भविष्य र राष्ट्रिय हितसँग जोडिएको ऐतिहासिक अवसर रहे...

फागुन १८, २०७९ सालको निर्वाचनताका निस्दी गाउँपालिका विद्युतविहीन रहेको विषयले व्यापक चर्चा पाएको थियो । तर जनताको अटल विश्वास र बलियो जनमतका आधारमा निर्वाचित प्रतिनिधिसभा सदस्य नारायण प्रसाद आचार्यको पहलपछि निस्दी मात्र होइन, समग्र पाल्पा जिल्लालाई पूर्ण विद्युतीकरणतर्फ उन्मुख गराउने कामले गति लिएको छ । अँध्यारो गाउँ–बस्ती उज्यालो बनाउने प्रतिबद्धता व्यवहारमा रूपान्तरण भएको दाबी उहाँले गर्नुभएको छ । चुनावी प्रचारप्रसार अभियानमा जनताको घरदैलोमा पुग्नुभएका आचार्यले रामपुर–मित्याल–आरुणखोला सडकमा पछिल्ला ती आर्थिक वर्षमा आर्थिक वर्षमा निरन्तर संघीय बजेट विनियोजन भई निर्माण कार्य तीव्र गतिमा अघि बढिरहेको बताउनुभयो । विभिन्न खण्डमा स्तरोन्नति, आवश्यक पुल निर्माण तथा संरचनागत सुधारमा आफ्नो सक्रियता निरन्तर रहेको दावी उहाँको छ । त्यस्तैगरी आर्यभञ्ज्याङ-रामपुर सडकका लागि संघ र प्रदेश दुवै सरकार...

फागुन १८, फागुपूर्णिमा अर्थात् होली पर्व आज हिमाली एवं पहाडी जिल्लामा हर्षोल्लासका साथ एकापसमा रङग र लोला खेली मनाइँदैछ । यो पर्व प्रत्येक वर्ष फागुन शुक्ल पूर्णिमाका दिन मनाइन्छ । वसन्त ऋतुको आगमनसँगै आपसी मेलमिलाप र सद्भावनाको सन्देश लिई आउने फागु पर्व मनाउने प्राचीनकालदेखिको परम्परा छ । आज मानिसहरु विशेष गरेर भाङ मिसाइएका खानेकुरा खाई विविध रङबाट रङगिएर बाजागाजाका साथ नाचगान गर्दै आफ्नो क्षेत्रमा बिहानदेखि साँझसम्म घुम्दै रमाइलो गर्छन् । सरकारले यस अवसरमा सार्वजनिक बिदा दिएको छ । पहाडमा आज र तराईमा भोलि होली मनाइन्छ ।...

फागुन १७, प्रतिनिधिसभाका लागि पाल्पा क्षेत्र नम्बर-२ का रुख चिन्हका उम्मेद्धार हिमालदत्त श्रेष्ठ चुनावी अभियान अन्तरगत घरदैलोको क्रममा पाल्पाली मतदाताको अथाह माया पाएको बताउनुभएको छ । उहाँ घरदैलोको अभियानको अन्तिम तयारीमा रहेको अबस्थामा पाल्पा २ का आमाबुबा दाजुभाइ दिदीबहिनीहरुको माया स्वरुप रुख चिन्हमा मतदान गरि बिजयी सुनिश्चित गरिदिनुभएको बताउनुभएको छ । आम पाल्पा २ का मतदाताहरुमा रुख चिन्हमा मतदान गर्न आतुर भएकाले आफ्नो जित सुनिश्चित भईसकेको उहाँले बताउनुभएको छ । उहाँ यस क्षेत्रका समग्र युवा तथा ज्येष्ठ नागरिकको साझा उम्मेद्धारका रुपमा रहि सबै मतदाताको आशिर्वाद लिइरहुनभएको छ । जेनजी युवाहरुको भावना बुझ्ने र युवा समुहको प्रतिनिधित्व गर्ने शसक्त युवा उम्मेद्धारको रुपमा श्रेष्ठ प्रस्तुत हुनुभएको छ । उहाँले बजारको भोगाई र गाउँको समस्या नजिकबाट नियाल्नुभएको छ । उहाँ बजार क्षेत्र र ग्रामिण ...