Author: Bihani Post

भदौ २०, गुल्मीको रेसुङ्गा विमानस्थलमा झन्डै डेढ महिनापछि हवाई उडान पुनः सुरु भएको छ। प्रतिकूल मौसमका कारण अवरुद्ध भएको उडान बिहीबारबाट नेपाल वायुसेवा निगमले सञ्चालनमा ल्याएको हो । पहिले हप्तामा चार पटक हुने उडान अहिले जहाज अभावका कारण अस्थायी रूपमा मात्र हुने भएको निगमले जनाएको छ। काठमाडौँ-गुल्मी उडान बिहान ६:३० र गुल्मी-काठमाडौँ बिहान ७:३० बजे हुने छ । भाडा काठमाडौँबाट गुल्मी ७ हजार ५ सय र गुल्मीबाट काठमाडौँ ७ हजार ३ सय निर्धारण गरिएको छ । हवाई उडान सुरु भएपछि पर्यटकको चाप बढ्नुका साथै स्थानीयलाई पनि राजधानी आवतजावतमा सहज भएको छ ।...

भदौ २०, नेपालमा दर्ता नभएका सामाजिक सञ्जाल बन्द हुन थालेका छन् । नेपाल दूरसञ्चार प्राधिकरणको निर्देशनपछि नेपाल टेलिकम, एनसेल र इन्टरनेट सेवा प्रदायकहरूले फेसबुक, यूट्यूब, एक्स, इन्स्टाग्राम, मेसिन्जर, व्हाट्सएपलगायत २६ वटा सञ्जाल निष्क्रिय बनाउन थालेका हुन् । सरकारले सूचीकरणका लागि दिएको समयसीमा सकिएपछि यस्तो कदम चालेको हो । हाल नेपालमा टिकटक, भाइबर, निम्बज, वीटक र पोपो लाइभ मात्र सूचीकरण भएका छन् । निर्णयपछि सरकारप्रति आलोचना चर्किएको छ ।...

भदौ २० , नेपालमा दर्ता नभएका सामाजिक सञ्जाल बन्द गर्ने सरकारी निर्णयपछि ‘हाम्रो पात्रो’ ले सूचीकरणका लागि सञ्चार तथा सूचना प्रविधि मन्त्रालयमा निवेदन दिएको छ। सर्वोच्च अदालतको आदेशअनुसार मन्त्रिपरिषद्ले भदौ ९ गते सामाजिक सञ्जाल सञ्चालन गर्न इच्छुक व्यक्ति वा संस्थाले सात दिनभित्र दर्ता प्रक्रिया पूरा गर्नुपर्ने निर्णय गरेको थियो। त्यसअनुरूप ‘हाम्रो पात्रो’ दर्ता प्रक्रियामा प्रवेश गरेको हो।...

भदौ १९, सरकारले तोकिएको समयमा सूचीकरण हुन नआएका सामाजिक सञ्जाल बन्द गर्ने निर्णय गरेको छ । आज सञ्चार मन्त्रालयमा बसेको बैठकले दर्ता हुन नआएका सामाजिक सञ्जाल बन्द गर्ने निर्णय गरेको हो । सरकारले पछिल्लोपटक सूचीकरणका लागि सात दिनको म्याद दिएको थियो। उक्त म्याद गएराति १२ बजे नै सकिएको छ।

भदौ १८, पाल्पा । मोहनकन्या माध्यमिक विद्यालयले ७५ वर्ष पूरा गरेको अवसरमा विविध कार्यक्रमसहित हीरक महोत्सव सम्पन्न गरेको छ। सोमबार आयोजित कार्यक्रममा लुम्बिनी प्रदेशका मुख्यमन्त्री चेतनारायण आचार्यले दीप प्रज्वलन गर्दै महोत्सव उद्घाटन गर्नुभयो। उहाँले स्मारक अनावरण, हीरक द्वार उद्घाटन र (आरती स्मारिका) विमोचन गर्नुका साथै विद्यालयको छात्रावास समस्या आगामी बजेटमार्फत समाधान गर्ने आश्वासन दिनुभयो। महिलाहरू समाजका हरेक क्षेत्रमा अब्बल बन्दै गइरहेको उल्लेख गर्दै मुख्यमन्त्री आचार्यले मोहनकन्या विद्यालयलाई प्रदेशकै गौरव भन्दै यसलाई जोगाएर उन्नति गर्नुपर्ने विचार व्यक्त गर्नुभयो । हीरक महोत्सब समारोह कार्यक्रम विद्यालय व्यवस्थापन समितिका अध्यक्ष विधान प्रसाद श्रेष्ठको अध्यक्षता प्रधानाध्यापक दीपकप्रसाद ज्ञवालीको स्वागत तथा शिक्षक रिना श्रेष्ठको सञ्चालनमा सम्पन्न भएको थियो ।   &n...

भदौ १८, सामाजिक सञ्जाल फेसबुकले कन्टेन्ट मोनेटाइजेसन सुविधा नेपालका प्रयोगकर्तालाई पनि उपलब्ध गराउने भएको छ। फेसबुकले एडमार्फत आम्दानी गर्न सकिने कन्टेन्ट मोनेटाइजेसनका लागि नेपाललाई योग्य देशको सूचीमा समावेश गरेको हो। यसअघि नेपाल यो सूचीमा परेका थिएन। अबदेखि नेपाली प्रयोगकर्ताले फेसबुकमा पोस्ट गरिने पब्लिक भिडिओ, रिल, फोटो, टेक्स्ट पोस्ट र स्टोरी८८मार्फत पनि आम्दानी गर्न सक्नेछन्। फेसबुकले यसअघि चलाउँदै आएको ‘परफमेन्स बोनस प्रोग्राम’ भने (अगस्ट ३१) बाट बन्द गरिएको छ। सो प्रोग्रामलाई बन्द गरी नयाँ प्रणाली ल्याइएको छ जसमा क्रिएटरहरूले सहभागी भएर आम्दानी गर्न सक्नेछन्। कम्पनीका अनुसार हालसम्म (१० लाख क्रिएटरलाई बीटा संस्करण) मा सहभागी गराइसकिएको छ भने आगामी महिनाहरूमा अझ धेरैलाई निमन्त्रणा गरिनेछ। यस सुविधामा सहभागी हुन क्रिएटरहरूले आफ्नो (प्रोफेसनल ड्यासबोर्डमा मोनेटाइजेसन ट्या...

भदौ १७, मौसम पूर्वानुमान अनुसार आज देशभर सामान्य बदली रहनेछ । कोशी, मधेस, बागमती, लुम्बिनी र कर्णाली प्रदेशका केही स्थानहरूमा तथा अन्य पहाडी र तराई भू-भागका थोरै स्थानहरूमा मध्यम वर्षाको सम्भावना रहेको छ । सुदूरपश्चिम प्रदेशका केही स्थानहरूमा तथा कोशी, बागमती, गण्डकी, लुम्बिनी र कर्णाली प्रदेशका थोरै स्थानहरूमा मेघगर्जन र चट्याङसहित हल्कादेखि मध्यम वर्षा भइरहेको छ । हाल मनसुनको न्यून चापीय रेखा सरदर स्थानभन्दा दक्षिणतिर सरेको छ, जसका कारण देशभर मनसुनी प्रभाव सामान्य देखिएको छ ।  ...

भदौ १६, मौसम पूर्वानुमान अनुसार आज देशभर सामान्यतया बदली रहनेछ । कोशी, बागमती, लुम्बिनी र सुदूरपश्चिम प्रदेशका केही स्थानहरूमा तथा अन्य पहाडी , तराई भू-भागका थोरै स्थानहरूमा मध्यम तथा भारी वर्षाको सम्भावना रहेको छ । अहिले मनसुनको न्यून चापीय रेखा सामान्य अवस्थाको तुलनामा दक्षिणतर्फ सरेको छ । साथै अरब सागरबाट जलवाष्पयुक्त हावाको प्रवाह भइरहेको छ ।  ...