समाचार

मंसिर १५ , समानुपातिक निर्वाचन प्रणाली प्रक्रिया अघि बढाउन निर्वाचन आयोगले निर्वाचन अधिकृतको कार्यालय स्थापना गरेको छ । आयोगले सचिव माहादेव पन्थलाई निर्वाचन अधिकृत तोकेर कान्तिपथमा रहेको आयोगको कार्यालयमा निर्वाचन अधिकृतको कार्यालय स्थापना गरेको हो । नेपालमा संवैधानिक व्यवस्था बमोजिम प्रत्यक्ष र समानुपातिक गरी दुई वटा निर्वाचन प्रणाली रहेको छ । कार्यक्रममा निर्वाचन आयोगका कार्यवाहक प्रमुख निर्वाचन आयुक्त रामप्रसाद भण्डारीले समानुपातिक निर्वाचन प्रणाली केही जटिल भए पनि विगतमा काम गरेका व्यक्तिहरूबाट सुझाव लिएर काम गर्न सके कठिन नहुने बताउनुभयो । चुनाव सम्पन्न गर्ने सन्दर्भमा कुनै पनि झन्झट नमानिकन सूत्र अनुसार अघि बढ्न उहाँको आग्रह छ ।...

मंसिर १५ , विश्व एड्स दिवसका अवसरमा स्वास्थ्य तथा जनसङ्ख्या मन्त्री डा.सुधा गौतमले सन् २०३० भित्र एड्स महामारी अन्त्य गर्न सबैलाई एकजुट हुन आग्रह गर्नुभएको छ। उहाँका अनुसार एचआईभी नियन्त्रणका लागि नेपालले लिएको ९५–९५–९५ लक्ष्य हासिल गर्न सामूहिक प्रतिबद्धता अनिवार्य छ। हाल नेपालले तीनमध्ये ९०, ८८ र ७६ प्रतिशत लक्ष्य प्राप्त गरिसकेको छ। सन् २०१० यता नयाँ सङ्क्रमणदर र एड्सजन्य मृत्युदर दुवै ७६ प्रतिशतले घटेका छन्। राष्ट्रिय एड्स तथा यौन रोग नियन्त्रण केन्द्रका अनुसार देशभर करिब ३४ हजार ३३७ जनामा एचआईभी सङ्क्रमण भएको अनुमान छ।...

मंसिर १५ , काठमाडौं महानगरपालिकाका मेयर बालेन्द्र शाह (बालेन) का बुवा रामनारायण शाहको सोमबार निधन भएको छ। स्वास्थ्य अवस्था गम्भीर भएपछि उनलाई आइतबार बिहान नयाँ बानेश्वरस्थित सिभिल अस्पतालमा भर्ना गरिएको थियो। अस्पतालले दिएको जानकारीअनुसार उनलाई भेन्टिलेटरमा राखेर उपचार भइरहेको थियो। पिसाबमा संक्रमण (यूटीआई) बाट सुरु भएको समस्या शरीरभरि फैलिँदै गएपछि स्वास्थ्य अवस्था झनै जटिल बनेको बताइएको छ। स्वास्थ्य अवस्थाको जानकारी पाएपछि प्रधानमन्त्री सुशीला कार्की सोमबार बिहान अस्पताल पुगेर शाह परिवारलाई भेटेकी थिइन्। शाहको निधनप्रति विभिन्न क्षेत्रबाट शोक तथा समवेदना व्यक्त गरिएको छ।...

मंसिर १५ , गलकोट नगरपालिका बागलुङ को चालु आर्थिक वर्ष २०८२र८३ को प्रथम चौमासिक सार्वजनिक सुनुवाई आइतबार सम्पन्न भएको छ । नगरपालिका र वडा नं. ४ को संयुक्त आयोजनामा तथा सामुदायिक रेडियो गलकोटको सहजिकरणमा भएको कार्यक्रममा १२ जना सहभागिहरूले सेवा शुल्क, भैँसी पकेटमा विभेद, मध्यपहाडी लोकमार्गमा फालिएको माटो, किवी-ओखरको बजार अभाव, विद्यालयमा विद्यार्थी कमी, कर संकलन, सुशासन, रोजगारी सिर्जना लगायत विषयमा प्रश्न–सुझाव राखे। नगरप्रमुख भरत शर्मा गैरे, उपप्रमुख फमलाल निउरे सहित सम्बन्धित अधिकृतहरूले उठेका प्रश्नहरूको जवाफ दिए। प्रमुख प्रशासकीय अधिकृत डम्मर बहादुर खत्रीले चौमासिक प्रगति प्रतिवेदन प्रस्तुत गरे। कार्यक्रम वडा अध्यक्ष बल बहादुर खत्रीको अध्यक्षता तथा सामुदायिक रेडियो गलकोटका स्टेसन प्रमुख शर्मिला रोका मगरको सञ्चालनमा भएको थियो ।...

कार्तिक २०, अनलाइनमा सस्तो सामान देखाइ ठगी गर्ने घटना बढेको भन्दै जिल्ला प्रहरी परिसर काठमाडौँले सर्वसाधारणलाई सचेत रहन आग्रह गरेको छ। सस्तो दरमा सामान देखाएर अग्रिम रकम माग्ने, वा व्हाट्सएपमा स्क्रिन सेयर गराई ओटीपी लिई खाता ह्याक गर्ने जस्ता घटना बढिरहेका छन्। नेपाल प्रहरीले कसैलाई पनि स्क्रिन सेयर नगर्न, ओटीपी नदिन र ठगीबाट बच्न सतर्क रहन अनुरोध गरेको छ।...

कार्तिक १७, हाल पश्चिमी वायुको प्रभाव कायमै रहेकाले केही पहाडी तथा हिमाली क्षेत्रमा छिटपुट (हल्का) वर्षाको सम्भावना रहेको जल तथा मौसम विज्ञान विभागले जनाएको छ । विभागकाअनुसार देशका पहाडी भू-भागमा आशिंक बदली रहनेछ ।   कोशी, गण्डकी प्रदेशका पहाडी भू-भागका एक–दुई स्थानमा हल्का वर्षा तथा हिमपातको सम्भावना छ । हिजोको तुलनामा आज मौसम धेरै सफा छ । तर भोली बाट पहाडी क्षेत्रमा पानी पर्ने सम्भावना रहेको महाशाखाले जनाएको छ ।    ...

कार्तिक ११, चाडपर्वहरु तिहार र छठ पर्व सकिएसँगै सरकारी कार्यालयहरुमा चहलपहल पनि बढेको छ । दुवै हिन्दुहरुका पर्व तिहार र छठ सकिएकोले एक हप्ता लामो विदामा बन्द भएका सरकारी कार्यालयहरुमा चहलपहल बढेको छ । यस्तै मंगलबारदेखि विद्यालयहरु पनि खुलेका छन् । योसँगै बजार तथा सदरमुकाम क्षेत्रमा चहलपहल बढेको छ । तिहार पछि शान्त बनेको निजी क्षेत्रका व्यवशाय तथा व्यापारिक क्षेत्रमा पनि चहलपहल बढेको छ । जेन जी आन्दोलनका कारण कतिपय सरकारी कार्यालयहरुका कामले दशैं एवम् तिहारसम्म पनि  गति लिन सकेको थिएन । अब भने कार्यालयहरुमा कामको तीव्रता हुन सक्ने अनुमान गर्न सकिन्छ । विशेषगरी लामो समय विदा हुने पर्वहरु सकिएकाले पनि अब सरकारी एवं अन्य कार्यहरुले तीव्रता लिने अपेक्षा गर्न सकिन्छ ।...

कार्तिक ११ , सूर्यदेवको श्रद्धा भक्तिपूर्वक पूजा आराधना गरी मनाइने छठ पर्व आज बिहान उदाउँदो सूर्यलाई अर्घ्य दिएपछि सम्पन्न भएको छ । चार दिनसम्म मनाइने यो पर्व अन्तर्गत आज सप्तमीका दिन भक्तजनले नदी तथा पोखरी किनारमा नुहाई दूध, जल र फूलले सूर्यदेवको पूजा–आराधना गरे। सूर्य र जललाई जीवनको स्रोत मानी गरिएको यो व्रतमा विवाहितहरूले परिवारको दीर्घायु र समृद्धिको कामना गर्छन् भने अविवाहितहरूले सुयोग्य जोडी प्राप्तिको कामना गर्छन्। मिथिला क्षेत्रबाट सुरु भएको छठ पर्व पछिल्ला वर्षमा काठमाडौंका गुह्येश्वरी, कमलपोखरी र थापाथलीलगायत स्थानमा पनि भव्य रूपमा मनाइने परम्परा बसिसकेको छ। सूर्य पुराणमा उल्लेख भएअनुसार सर्वप्रथम अत्रिमुनिकी पत्नी अनुसुयाले छठ व्रत गरेकी थिइन् । फलस्वरुप उनले अटल सौभाग्य र पतिप्रेम प्राप्त गरिन् । त्यही बेलादेखि छठ मनाउने परम्पराको सुरुआत भएको जनविश्वास रहेको छ ।...

कार्तिक ११, मौसम पूर्वानुमान महाशाखाका अनुसार आज दिउँसो गण्डकी, लुम्बिनी, कर्णाली र सुदूरपश्चिम प्रदेशलगायत बाँकी पहाडी भू-भागमा साधरणतया बदली रही तराई भूभागमा आंशिक बदली रहने छ । गण्डकी, लुम्बिनी र कर्णाली प्रदेशका केही स्थानहरूमा तथा बाँकी प्रदेशका पहाडी तथा हिमाली भू-भागका थोरै स्थानहरूमा मध्यम वर्षाको सम्भावना रहेको छ । गण्डकी प्रदेशका उच्च पहाडी तथा हिमाली भूभागका एक-दुई स्थानमा भारी वर्षासहित हिमपातको पनि सम्भावना रहेको छ । साथै आज राती गण्डकी प्रदेशमा भारी वर्षासहित हिमपातको पनि सम्भावना रहेको हुँदा ती क्षेत्रहरूमा दैनिक जनजीवन, पर्वतारोहण लगायत कृषि तथा पर्यटन क्षेत्रमा समेत असर पर्ने सम्भावना रहेकोले आवश्यक सतर्कता अपनाउन महाशाखाले अनुरोध गरेको छ। हाल देशमा पश्चिमी वायुको साथै अरब सागरमा बनेको न्यून चापीय प्रणालीको प्रभाव रहेको छ ।...