समाचार

साउन २८, मनसुनको न्यूनचापीय रेखा नेपालको तराईआसपास रहेकाले अहिले देशभर भारी वर्षा भइरहेको छ । आगामी २४ घण्टा मनसुन सक्रिय रहने देखिएको मौसम पूर्वानुमान महाशाखाले जनाएको छ । जसको प्रभावले आगामी २४ घण्टा देशभर मौसम बदली र अधिकांश स्थानमा वर्षा जारी रहने प्रक्षेपण मौसम महाशाखाले गरेको छ। आज देशका अधिकांश स्थानमा वर्षाको सम्भावना छ। मधेस प्रदेशलगायत कोसी, कर्णाली, बागमती, गण्डकी, लुम्बिनी र सुदूरपश्चिम प्रदेशको थोरै एक/दुई स्थानमा भारी वर्षाको पनि सम्भावना रहेको हुँदा आवश्यक सर्तकता अपनाउनुहुन महाशाखाले अनुरोध गरेको छ ।  ...

साउन २७, जयराम सापकोटा । श्रीदुर्गा भवानी टोल विकाश संस्था तानसेन १ भुसलडाँडाले आउदै गरेको हरितालिका तिजको अवसरमा मौलिकतामा आधारित आफैले रचेका तिजगित गाएर दरखाने कार्यक्रम सम्पन्न गरेको छ । हरेक बर्ष संस्थागत रुपमा दरखाने कार्यक्रम मनाउदै आएको संस्थाले यसवर्ष पनि भुसलडाँडा क्षेत्र भित्रका सवै महिलाहरुलाई समेटेर आफ्नो मौलिक परम्परा जोगाउनका लागी कार्यक्रमको आयोजना गरेको संस्थाकी अध्यक्ष चित्रकला न्यौपानेले वताउनुभयो । त्यस्तै एैलेको अवस्थामा होलट र रिसोटमा गएर म्युजिक डान्स गर्ने उत्ताउलो प्रविधीलाई रोक्न र कम खर्चले पनि आफ्नै ठाउमा रमाइलो गर्न सकिदो रहेछ भन्ने जनचेतना होस भनेर उजागर गर्न पनि संस्था भित्रका सवै महिला पुरुष मिलि मौलिकतामा आधारित तिज गित कार्यक्रम गरेको संस्थाका जेष्ठ सदस्य देविदत्त शर्माले वताउनु भयो । करिव ४० जना भन्दा वढिको सहभागिता रहेको कार्यक्रम तानसेन १ दुर्गा ...

साउन २७, मनसुनको न्यून चापीय रेखा सरदर स्थानभन्दा उत्तरतिर अर्थात् नेपालको तराईनजिक भएसँगै मौसम बदली र वर्षा हुने क्रम फेरि बढेको छ। आज देशका विभिन्न स्थानमा मध्यमदेखि भारीवर्षाको सम्भावना रहेको मौसम पूर्वानुमान महाशाखाले जनाएको छ । मधेस प्रदेशलगायत कोसी,बागमती,गण्डकी र लुम्बिनी प्रदेशका पहाडी तथा तराई भु-भागमा मध्यम देखी भारी वर्षाको सम्भावना रहेको हुदाँ आवश्यक सर्तकता अपनाउनुुहुन महाशाखाले अनुरोध गरेको छ ।...

सााउन २६, काठमाडौं उपत्यकाबाट बसाई सरी आएका नेवार समुदायले मनाउन सुरु गरेको गाईजात्रा पर्व पाल्पामा पनि मनाइएको छ । एक वर्षभित्र दिवङ्गत भएका आफन्तलाई सम्झना र बैकुन्ठबासको कामना गर्दै यो पर्व मनाइने गरिन्छ । दिवंगत भएका घरको आफ्न्तले मानिसलाई गाई को रुपमा सिगारेर परिक्रमा गराईने प्रचलन रहेको छ । यसरी परिक्रममा गर्नाले मृतकले गाईको पुच्छर समाती बैतारनी पार हुन्छन् भन्ने धार्मिक जन विश्वास रहेको छ । गाइजात्रालाई वर्ष भरमा मृत भएका मानिसहरुको गणना गर्ने पर्वका रुपमा समेत लिने गरिन्छ । सबै समुदायले गाईजात्रा निकाल्ने प्रचलनले समाजमा भातृत्वको सन्देश प्रवाह हुँदै आएको समेत पाइन्छ ।...

साउन २६. रुपन्देहीको तिलोत्तमा नगरपालिका वडा नम्बर ५ मणिग्राममा मोटरसाईकल अनियन्त्रित भई र्दुघटनाहुँदा २० वर्षीय एक युवकको मृत्यु भएको छ । मृत्यु हुनेमा नवलपरासीको सुनवल घर भइै हाल तिलोत्तमा नगरपालिका वडा नम्बर १४ तीनधुरा भलवारी बस्ने २० वर्षीय खेम भुसाल रहेको प्रहरीले जनाएको छ । ट्राफिक व्यवस्थापन कार्यालय बुटवलका अनुसार बुटवलबाट भलवारीतर्फ जाँदै गरेको लु ४६ प ८२९१ नम्बरको मोटरसाईकल सोमबार बिहान पौने ४ बजे मणिग्राममा आफै अनियन्त्रित भई पल्टिएको थियो । त्यसक्रममा गम्भीर घाइते भएका भुसालको उपचारको लागि क्रिमशन अस्पताल पुर्याइएकोमा तत्कालै उनको मृत्यु भएको प्रहरीले जनाएको छ । पानी परेकाले सडकमा टायर चिप्लिएर दुर्घटना भएको हुनसक्ने प्रहरीको अनुमान  छ ।...

साउन २६, आज देशका धेरै ठाउँमा ठूलो पानी पर्ने सम्भावना रहेको मौसम पूर्वानुमान महाशाखाले जनाएको छ । महाशाखाका अनुसार दिउँसो कोशी, बागमती, गण्डकीको पहाडी भू-भाग तथा लुम्बिनी र सुदूरपश्चिम प्रदेशको तराई भू-भागको एकरदुई ठाँउमा ठूलो पानी पर्ने सम्भावना छ । यस्तै पहाडी भू-भागका धेरै ठाउँहरुमा र मधेश प्रदेशलगायतका तराई भू-भागका केही ठाउँमा मध्यम वर्षाको सम्भावना रहेको हुँदा आवश्यक सतर्कता अपनाउनुहुन  महाशाखाले अनुरोध गरेको छ ।  ...

साउन २५, देशभर मौसम सामान्यतय बदली रहेको छ । अहिले बागमती प्रदेशका केही र कोशी, गण्डकी, लुम्बिनी र कर्णाली प्रदेशका थोरै स्थान तथा मधेस प्रदेश लगायत सुदूरपश्चिम प्रदेशको पहाडी भू-भागका एक/दुई स्थानमा मध्यम वर्षा भइरहेको छ। मौसम पूर्वानुमान महाशाखाका अनुसार आज देशभर साधरणतया बदली रहनेछ। कोशी, बागमती , गण्डकी प्रदेशको पहाडी भू-भागका केही र मधेस प्रदेश लगायत देशका बाँकी पहाडी र तराई भू-भागका थोरै स्थानहरूमा मध्यम वर्षाको सम्भावना रहेको छ।...

साउन २४, प्रत्येक वर्ष श्रावण शुक्ल पूर्णिमाका दिन मनाइने रक्षाबन्धन, जनै पूर्णिमा (ऋषि तर्पणी) पर्व आज देशभर नव यज्ञोपवीत एवम् रक्षाबन्धन धारण गरेर मनाइँदैछ । पूर्णिमाका दिन बिहानैदेखि वैदिक सनातन धर्मावलम्बीले नदी, ताल, तलाउ, पोखरीमा गई स्नान गरेर गुरु पुरोहितबाट रक्षासूत्र बाधिन्छ । तागाधारीले गुरु पुरोहितले विधिपूर्वक मन्त्रिएको यज्ञोपवीत एवम् डोरो (रक्षासूत्र) धारण गरेमा नकारात्मक तत्वबाट सुरक्षा प्राप्त हुने धार्मिक विश्वास छ । सत्ययुगमा दानवद्वारा लखेटिएका देवगणलाई गुरु वृहस्पतिले रक्षा विधान तयार गरी जेले गर्दा अत्यन्त बलशाली दानवराज बली बाँधिए, त्यसैले म तिमीलाई बाँध्छु, यसले तिमी सुरक्षित बन, बिचलित नहोऊ भनी डोरो बाँधेर जोगाएका थिए भन्ने पौराणिक मान्यताका आधारमा चलेकोे रक्षाबन्धनको परम्परा हालसम्म पनि प्रचलित छ । यसैकारण रक्षाबन्धन गर्ने बेलामा गुरु पुरोहितले ‘येन बद्धो बल...

साउन २४, मौसम साधरणतया बदली रहेको छ। देशभर गए राती देखी अहिले सम्म हल्का देखी मम्ध्यम वर्षा भइरहेको मौसम पूर्वानुमान महाशाखाले जनाएको छ । आज कोशी, बागमती, गण्डकी र कर्णाली प्रदेशका पहाडी भू-भागका केही स्थानहरूमा र बाँकी भू-भागका थोरै स्थानहरूमा मध्यम वर्षाको सम्भावना रहेको छ। कोशी र बागमती प्रदेशको पहाडी भू-भागको एक–दुई स्थानमा भारी वर्षाको सम्भावना रहेको हुँदा आवश्यक सतर्कता अपनाउन महाशाखाले अनुरोध गरेको छ।...