ताजा अपडेट

जेठ १२, रुसले युक्रेनमा हालसम्मकै ठूलो हवाई आक्रमण गरेको छ, जसमा झन्डै ४०० वटा मिसाइल र ड्रोन प्रहार गरिएको बीबीसीले जनाएको छ। आक्रमणमा परी कम्तीमा १२ जना नागरिकको ज्यान गएको छ। युक्रेनी राष्ट्रपति भोलोदिमिर जेलेन्स्कीले अमेरिका र पश्चिमी मुलुकहरूको मौनताले रुसी राष्ट्रपति पुटिनलाई यस्ता आक्रमण गर्न हौसला दिएको बताएका छन्। उनले रुसमाथि कडा दबाब नदिएसम्म आक्रमण नरोकिने चेतावनी दिएका छन्। युरोपेली संघकी विदेश नीति प्रमुख काजा कालासले पनि रुसको आक्रमणबाट युक्रेनलाई पूर्ण रूपमा ध्वस्त पार्ने लक्ष्य स्पष्ट भएको बताउँदै अन्तर्राष्ट्रिय दबाब बढाउन आह्वान गरेकी छन्। यसैबीच, पछिल्ला तीन दिनमा दुबै पक्षले ३०० भन्दा बढी सैनिकहरू साटासाट गरेका छन्। युक्रेनले रुसबाट फर्किएका धेरै सैनिकहरूलाई यातना दिइएको र खानाबाट बञ्चित गरिएको आरोप लगाएको छ। एजेन्सी...

जेठ ११, जयराम सापकोटा २६४९ओँ वुद्ध जयन्तिको अवसरमा वोद्ध महिला सेवा समिति आनन्द विहारले तानसेन नगरपालिका वडा नम्वर १ वर्याङदीको नारायणडाँडामा निशुल्क स्वाथ्य शिविर सम्पन्न गरेको छ । तानपा १ का वडाध्यक्ष सुनिल कुमार वस्यालले व्यानर पढेर शुभारम्भ गर्नुभएको कार्यक्रममा वौद्ध महिला सेवा समितिकी अध्यक्ष शोभा शाक्यले कार्यक्रमवारे प्रकाश पार्नु भएको थियो । कार्यक्रममा आनन्द विहार ज्ञानमालाका अध्यक्ष सन्जयराज शाक्य, धर्मचक्र महाविहारका चुडाकर्म वर्तवन्द संघका अध्यक्ष विरेन्द्र काजी शाक्य, आर्यन विन्जु शाक्य र शोना रावल तथा स्थानिय समाज सेवी पोषकान्त वस्याल लगायतका व्यक्तित्वहरु अतिथि र विशिष्ठ अतिथिको रुपमा उपस्थित हुनुहुन्थ्यो । मिशन हस्पिटलको प्रविधिक सहयोगमा चलेको उक्त कार्यक्रममा मिशन अस्पतालका मेडिकल डा। धिरज खाती, गाइनोलिष्ट डा। सिसम सुव्वा, अर्थोपेटिक डा।सुजन शाक्य र अर्थोपेटिक डा।कृष...

जेठ ०८, पाल्पाको पूर्वखोला गाउँपाकिाले संचालन गरेको एक दिने स्वास्थ्य शिविरमा ४ सय ५४ जनाले सेवा लिएका छन् । स्वास्थ्य निर्देशनालय लुम्बिनी प्रदेशको आयोजना तथा पूर्वखोला गाउँपालिकाको समन्वयमा चलेको विशेषज्ञसहितको शिविरमा तीन सय ५ महिला तथा एक सय ४६ जना पुरुषले सेवा लिएका हुन् । एक दिने शिविरमा जनरल फिजिसियन, महिला तथा प्रसूति, छाला तथा यौन रोग, दाँत तथा मुख स्वास्थ्य सेवा तथा मानसिक स्वास्थ्य सेवा उपलब्ध गराइएको थियो । जसमा छालाका विरामी एक सय २४ जना , मानसिक रोगी ४४ जना, महिला तथा प्रसूति रोगी ६६ जना, जनरल फिजिसियन एक सय ८२ र दत्त रोगी एक सय ५४ जनाले सेवा लिएको पालिकाले जनाएको छ । शिविरमा लुम्बिनी प्रदेशका स्वास्थ्य मन्त्री खेम बहादुर सारुले प्रत्यक्ष निगरानी तथा विरामाीसंग भेटघाट गर्दै नागरिकको शारीरिक र मानसिक स्वास्थ्यमा प्रदेश सरकार गम्भीर रहेको बताए। उनले खानपान र जीवनशैली सुधार ...