समाचार

निराजन पौडेल फागुन १०, पाल्पा । पश्चिम पाल्पाको पहाडी भेगबाट सुरु भएको एउटा साधारण यात्रा आज हजारौँ मानिसको जीवनसँग जोडिएको नाम हो , डा माधव थापा । करिब दुई दशकदेखि निरन्तर होमियोप्याथिक चिकित्सकका रूपमा सेवा दिँदै आएका थापा केवल रोग निको पार्ने चिकित्सक मात्र होइनन् ,  हजारौँ बिरामीका लागि आशा , भरोसा र आत्मविश्वासका एक प्रतीक बनेका छन् । सीमित स्रोत , न्यून सुविधा र थुप्रै चुनौतीका बीच सुरु भएको उनको यात्राले आज समाजमा छुट्टै पहिचान स्थापित गरेको छ । पाल्पाको रिब्दीकोट गाउँपालिका वडा न ७ बतासे मा जन्मिएका थापाले प्राथमिक शिक्षा आफ्नै गाउँबाट पूरा गरे । सानैदेखि समाजप्रति संवेदनशील स्वभाव भएका उनले स्वास्थ्य क्षेत्र रोज्दै होमियोप्याथिक चिकित्सा अध्ययन गरे । त्यसपछि उनले ॐ कालिका होमियोप्याथिक अस्पताल प्रालि स्थापना गरी सेवा सुरु गरे । सुरुवाती दिनहरूमा विभिन्न समस्या र आर्थिक चुनौती...

निराजन पौडेल फागुन ९, पाल्पा । फागुन २१ गते हुने प्रतिनिधिसभा सदस्य निर्वाचनलाई लक्षित गर्दै राष्ट्रिय स्वतन्त्र पार्टी (रास्वपा) का उम्मेदवार डा. माधव थापाले आफ्नो चुनावी अभियानलाई तीव्रता दिनुभएको छ । पाल्पाका विभिन्न गाउँ-गाउँ , टोल-टोलमा पुगेर उहाँले स्थानीय बासिन्दाका गुनासा, समस्या र सुझाव प्रत्यक्ष रूपमा सुन्नुभएको छ । भेटघाट तथा छलफल कार्यक्रममा जनताले रोजगारी, शिक्षा, स्वास्थ्य लगायतका विषयमा आफ्ना धारणा राख्दै आएका छन् । अभियानका क्रममा रास्वपा प्रति जनताको उत्साहजनक सहभागिता देखिएको छ । पार्टी प्रवेश गर्ने नयाँ कार्यकर्ताहरूले विगतमा अपेक्षित उपलब्धि हासिल नभएको र जनताका आवश्यकता अनुसार काम हुन नसकेको कारण नयाँ विकल्प रोजेको बताएका छन् । आजको कार्यक्रम ढुङ्गाखानी, भैरवस्थान र वौघापोखराथोकमा हुने पार्टी कार्यालयले जनाएको छ । निर्वाचन नजिकिँदै जाँदा उम्मेदवार थापाको विज...

फागुन ७, नेकपा (एमाले) ले आसन्न निर्वाचनलाई लक्षित गर्दै सार्वजनिक गरेको घोषणापत्रमा वार्षिक पाँच लाख रोजगारी सिर्जना गर्ने लक्ष्य अघि सारेको छ । रोजगार अवसर दोब्बर बनाउँदै वैदेशिक रोजगारीमा जाने बाध्यता घटाउने योजना पार्टीले प्रस्तुत गरेको छ । कृषि आधुनिकीकरण, व्यवसायिक खेती, खाद्य प्रशोधन उद्योग, पूर्वाधार निर्माण, हरित उद्योग तथा सेवा क्षेत्रमा रोजगारी वृद्धि गरिने उल्लेख छ । साथै सीपमूलक शिक्षा, आईटी, डिजिटल तथा रिमोट रोजगारी विस्तार गरिने जनाइएको छ । प्रत्येक पालिकामा श्रम डेस्क स्थापना गरी श्रमिक दर्ता, सीप विकास र सामाजिक सुरक्षामा आवद्धता सुनिश्चित गर्ने तथा पाँच वर्षभित्र श्रम आय दोब्बर बनाउने योजना पनि घोषणापत्रमा समेटिएको छ । यसैगरी, भूमिहीन, सुकुम्बासी तथा न्यून आय भएका नागरिकलाई आधारभूत सेवासहित सुरक्षित र आधुनिक आवास उपलब्ध गराउने प्रतिबद्धता पनि व्यक्त गरिएको छ ।...

निराजन पौडेल फागुन ७ पाल्पा । बगनासकाली गाउँपालिका ६, यम्घामा पछिल्लो समय स्थानीय राजनीतिक गतिविधि सक्रिय बन्दै गएको छ । लामो समयदेखि विभिन्न दलमा आबद्ध रहेका दर्जनौँ स्थानीयवासी तथा कार्यकर्ताले आफ्नो पुरानो पार्टी परित्याग गरी हिजो राष्ट्रिय स्वतन्त्र पार्टी (रास्वपा) मा प्रवेश गरेका छन् । रास्वपाका क्षेत्रीय सभापति गणेश बस्यालका अनुसार नयाँ सदस्यहरू परिवर्तनमुखी सोच र विकासप्रतिको प्रतिबद्धतासहित पार्टीमा आबद्ध भएका हुन् । उनले स्थानीय तहमा पारदर्शी, जनमुखी र विकासकेन्द्रित राजनीति अघि बढाउने उद्देश्य रहेको बताए । नयाँ प्रवेश गर्ने कार्यकर्ताहरूले विगतमा अपेक्षित उपलब्धि हासिल नभएको र जनताका आवश्यकताअनुसार काम हुन नसकेको भन्दै नयाँ विकल्प रोजेको स्पष्ट पारेका छन् । उनीहरूले गाउँस्तरमा विकास, सामाजिक न्याय र सुशासन प्रवर्द्धन गर्ने लक्ष्य लिएको बताएका छन् । रास्वपाले पाल्पा जि...

फागुन ६, सुनको भाउ आज तोलामा १ हजार ५ सय रुपैयाँले घटेको छ । हिजो ९ सय रुपैयाँले घटेको सुन आज १ हजार ५ सय रुपैयाँले घटेर तोलाको ३ लाख ४ सय रुपैयाँमा कारोबार भइरहेको छ । हिजो सुनको भाउ तोलाको ३ लाख १ हजार ९ सय रुपैयाँ थियो ।त्यस्तै,चाँदी तोलाको ४ हजार ८ सय ८० रुपैयाँमा कारोबार भइरहेको महासङ्घले जनाएको छ ।

निराजन पौडेल फागुन ५, पाल्पा । राष्ट्रिय स्वतन्त्र पार्टी (रास्वपा) का उम्मेदवार डा. माधव थापाले आज तिनाउ गाउँपालिकामा व्यापक घरदैलो कार्यक्रम सम्पन्न गर्नुभयो । घरदैलो कार्यक्रम अन्तर्गत उहाँले विभिन्न वडामा पुगेर स्थानीय बासिन्दासँग भेटघाट गर्नुभएको थियो । भेटका क्रममा जनताले शिक्षा, स्वास्थ्य, रोजगारी, कृषि तथा विकास सँग सम्बन्धित आफ्ना समस्या राखेका थिए । डा. थापाले ती विषयलाई गम्भीरतापूर्वक लिँदै जनताको सुझावलाई आफ्नो प्राथमिकतामा राखेर काम गर्ने प्रतिबद्धता व्यक्त गर्नुभयो । तिनाउमा कार्यक्रम सम्पन्न गरेलगत्तै उहाँले बगनासकाली गाउँपालिकाको चिर्तुङधारा, पोखराथोक, खोरबारी पुगेर चुनावी भेटघाट तथा अन्तरक्रिया कार्यक्रम सञ्चालन गर्नुभयो । कार्यक्रममा स्थानीय युवायुवती, महिला समूह तथा ज्येष्ठ नागरिकहरुको उल्लेखनीय सहभागिता रहेको थियो । घरदैलो कार्यक्रममा बोल्दै डा. थापाले रोजगारी सिर्...

फागुन ५, फागुन २१ गते हुने प्रतिनिधिसभा सदस्य निर्वाचनका लागि नेपाल प्रहरी उच्च मनोबलका साथ चुनावी सुरक्षामा खटिएको जनाएको छ । प्रहरीका अनुसार स्वच्छ, निष्पक्ष र भयरहित वातावरणमा निर्वाचन सम्पन्न गराउन आवश्यक सुरक्षा व्यवस्था मिलाइएको छ । प्रहरीले शंकास्पद गतिविधि देखेमा नजिकैको प्रहरी कार्यालय वा हटलाइन १०० मा जानकारी गराउन आग्रह गरेको छ । मतदान केन्द्रमा आन्तरिक सुरक्षा, मोबाइल गस्ती, रिजर्भ टोली, क्यूआरटी तथा विशेष निगरानी संयन्त्र सक्रिय रहने जनाइएको छ । प्रहरीले निर्वाचन आचारसंहिता, भीड नियन्त्रण र आपत्कालीन व्यवस्थापन लगायत विषयमा अभिमुखीकरण समेत दिएको जनाएको छ ।  ...

निराजन पौडेल फागुन ४, पाल्पा । राष्ट्रिय स्वतन्त्र पार्टी (रास्वपा) का उम्मेदवार डा. माधव थापाले आज तिनाउ गाउँपालिका का विभिन्न वडाहरूमा घरदैलो कार्यक्रम सम्पन्न गर्नुभयो । चुनावी अभियानलाई तीव्र बनाउँदै उहाँ बिहानदेखि साँझसम्म स्थानीय बस्तीहरूमा पुगेर मतदातासँग प्रत्यक्ष भेटघाट तथा संवादमा सक्रिय रहनुभएको थियो । मतदातासँग प्रत्यक्ष संवाद गर्दै आफ्ना एजेन्डा तथा भावी योजनाबारे जानकारी गराउने उद्देश्यले उहाँ निरन्तर गाउँगाउँ-टोलटोलमा पुगिरहनुभएको छ । घरदैलोका क्रममा उहाँले शिक्षा, स्वास्थ्य, कृषि र युवामुखी कार्यक्रमलाई मुख्य प्राथमिकतामा राखेको बताउनुभयो । घरदैलो कार्यक्रमका क्रममा स्थानीय बासिन्दाहरूले आफ्ना समस्या तथा गुनासाहरू थापासमक्ष खुलस्त रूपमा राखेका छन् । गुणस्तरीय स्वास्थ्य सेवा सहज रूपमा उपलब्ध गराउनुपर्ने, ग्रामीण सडकहरूको स्तरोन्नति गर्नुपर्ने, खानेपानी व्यवस्थापनमा स...

निराजन पौडेल फागुन ४, पाल्पा । राष्ट्रिय स्वतन्त्र पार्टी (रास्वपा) पाल्पाले आगामी निर्वाचनलाई लक्षित गर्दै निर्वाचन परिचालन समिति गठन गरेको छ । पार्टीको जिल्ला कार्य समितिको बैठकले आवश्यक तयारीलाई तीव्र बनाउने उद्देश्यसहित समिति गठन गरेको हो । जिल्ला सभापति विष्णु भण्डारीको सभापतित्वमा गठन गरिएको उक्त समितिमा पार्टीका जिल्ला तथा क्षेत्रीय तहका पदाधिकारीहरूलाई समेटिएको जनाइएको छ । समितिले निर्वाचन केन्द्रित कार्यक्रमहरू सञ्चालन गर्दै संगठनलाई वडा तहसम्म बलियो बनाउने लक्ष्य लिएको छ । क्षेत्रीय सभापति गणेश बस्यालले समितिले मतदाता शिक्षादेखि घरदैलो कार्यक्रम तथा प्रचार-प्रसारलाई प्राथमिकतामा राखेर काम गर्ने जानकारी दिनुभयो । उहाँका अनुसार पार्टीले विकास निर्माणका योजना र जनजीविकासँग सम्बन्धित विषय अभियानका मुख्य एजेन्डा रहनेछन् । समितिले आगामी दिनमा प्रशिक्षण कार्यक्रम सञ्चालन गर्न...

फागुन ४, आजदेखि प्रतिनिधिसभा सदस्य निर्वाचनका लागि औपचारिक प्रचार-प्रसार सुरु भएको छ । मतदान हुनुभन्दा १५ दिनअघिदेखि मात्र जुलुस, आमसभा, कोणसभा तथा सञ्चारमाध्यम मार्फत प्रचार गर्न पाइने कानुनी व्यवस्था अनुसार फागुन १८ गते राति १२ बजेसम्म दल र उम्मेदवारहरूले प्रचार गर्न सक्नेछन् । निर्वाचन आयोग नेपालले आचारसंहिताको पूर्ण पालना गर्न सबै दल तथा उम्मेदवारलाई आग्रह गरेको छ । उल्लङ्घन भएमा स्पष्टीकरण सोध्ने, जरिवाना गर्ने वा उम्मेदवारी खारेजसम्म गर्न सकिने व्यवस्था रहेको आयोगले जनाएको छ । कार्यवाहक प्रमुख निर्वाचन आयुक्त रामप्रसाद भण्डारीले आचारसंहिता उल्लङ्घनमा शून्य सहनशीलता नीति अपनाइने स्पष्ट पारेका छन् । दल तथा उम्मेदवारले तोकिएको मापदण्डअनुसार सञ्चारमाध्यम र अनलाइन प्लेटफर्ममार्फत विज्ञापन गर्न सक्नेछन् भने सभा-समारोहको खर्च विवरण निर्वाचन कार्यालयमा बुझाउनुपर्नेछ । साथै, सामाजिक सञ्जाल...