समाचार

जेठ २८, तानसेनमा ४० लाख लागतमा ४० जना युवालाई सिपमूलक तालिम सुरु भएको छ । दीगो तथा सम्मानित रोजगारीका लागि सीप परियोजना अन्तरगत ४० जना युवालाई कम्प्युटर हार्डवेयर नेटवर्क टेक्निसियन र विल्डिङ्ग इलेक्ट्रिसियन तालिम सुरू भएको हो। इन्स्योर परियोजनामार्फत तानसेन नगरपालिकाको ४० लाख लागतमा कार्यगत अभ्याससहित १० महिना तालिम संचालन गर्न जयन टेक्निकल कलेज अफ टेक्नोलोजी बुटवलले तालिमको संचालन गरेको छ। तालिमको सुभारम्भ गर्दै तानसेन नगरपालिकाकी उपप्रमुख प्रतीक्षा गाहा सिंजालीले युवालाई सीप प्रदान गरेर स्वरोगजार बनाउन तालिमले टेवा पुग्ने बताउदै शैक्षिक बेरोजगारी बढेको समयमा युवालाई सीप प्रदान गरेर आयआर्जनसंग जोड्न नगरपालिकाले तालिमको आयोजना गरेको बताइन् । कार्याक्रममा प्रमुख प्रशासकीय अधिकृत पिताम्बर पाण्डेले शैद्धान्तिक भन्दा सीपमूलक शिक्षा अहिलेको आवश्यकता रहेको बताए । जीवनउपयोगी शिक्षाबाट आयआ...

जेठ २८, अत्यधिक गर्मी बढेको पश्चिम तराईसहित देशका केही जिल्लामा पानि परे पनि पूर्वी तराईमा भने अझै वर्षा नहुँदा गर्मी  बढिरहेको छ ।  पछिल्लो १२ घण्टाको अवधिमा गण्डकी प्रदेशको धेरैजसो पहाडी क्षेत्र र लुम्बिनीका धेरैजसो ठाउँमा पानी परेको छ । कोशी प्रदेशका धेरैजसो ठाउँमा फैलिसकेको मनसुन शिथिल भएर अघि नबढ्दा देशभर गर्मी बढेको र अर्को सामान्य प्रणालीका कारण केही ठाउँमा पानी परेको हो । बङ्गालको खाडीमा नयाँ न्यून चापीय क्षेत्र बन्ने क्रममा रहेकोले भोलिदेखि मनसुन सक्रिय हुन थालेर पर्सि शुक्रवारदेखि पानी पर्न थाल्ने र आइतवारदेखि वर्षाको सम्भावना धेरै रहेको मौसमविद्ले बताएका छन् ।...

जेठ २७, १४ वर्षदेखि फरार रहेका कर्तव्य ज्यान मुद्दाका अभियुक्त सन्त बहादुर सार्की पक्राउ परेका छन्। पाल्पा जिल्लाको साबिक चिदिपानी गाविस–७ (हाल माथागढी गाउँपालिका–१) दमर निवासी ५७ वर्षीय सार्कीलाई प्रहरीले सार्वजनिक गरेको हो। सार्कीले २०६८ साल कात्तिक ११ गते राति सोही स्थानका १८ वर्षीय नरवीर नेपालीको हत्या गरी फरार भएका थिए। उनी त्यस यता भारतमा लुकिछिपी बस्दै आएको सूचनाका आधारमा प्रहरीले निगरानी गर्दै आएको थियो। प्रहरीका अनुसार उनी यही जेठ २५ गते नेपाल फर्किने क्रममा रुपन्देहीको सिद्धार्थनगर नगरपालिका–१ स्थित बेलहिया बसपार्कबाट पक्राउ परेका हुन्। जिल्ला प्रहरी कार्यालय पाल्पाका सूचना अधिकारी प्रहरी निरीक्षक सुनिल मल्लका अनुसार सार्कीविरुद्ध मुलुकी अपराध संहिता, २०७४ को दफा १७७ बमोजिम ज्यान सम्बन्धी कसूरमा मुद्दा दर्ता गरिएको छ। फौजदारी कार्यविधि संहिता, २०७४ को दफा १४९ अनुसार ६ दिनको म...

जेठ २७, जयराम सापकोटा । विश्वहिन्दु महासंघ जिल्ला कार्यसमितिको वैठक सम्पन्न भएको छ । शाखाका बरिष्ठ उपाध्यक्ष दिनेश गन्धर्वको अध्यक्षतामा सम्पन्न वैठकमा आगामी कार्ययोजना वारे छलफल भएको हो । कार्यक्रममा महासंघका केन्द्रिय सदस्य भिमलाल भट्टराई, हरि शंकर वस्याल, धर्मचन्रद्र नेपाल, मित्रलाल नेपाली,कला संस्कृतिका प्रदेश समिति अध्यक्ष जय प्रकाश उप्रेती, कार्यसमिति उपाध्यक्ष सरस्वती शर्मा वस्याल, जिल्ला कार्यसमिति सह सचिव जयराम सापकोटा, सहकोषाध्यक्ष फडिन्द्र लम्साल र सदस्य ठाकुर वस्याल लगायतले आगामी कार्ययोजना वारे आ-आफ्ना भनाई राखेका थिए । नियमित वैठक वस्नु पर्ने तालिका अनुसार ढिलै गरि वसेको वैठकले आर्थिक वर्ष २०८२र८३ का लागी जिल्ला भित्रका माध्यामिक तहका विधालयहरुलाई चरणवद्ध छनोट गरि धर्म संस्कृति र संस्कार वारे प्रशिक्षण दिने साथै हिन्दुधर्म भित्ररहेका विभिन्न धर्मालव्विहरुलाई एउटै मन्चमा ...

जेठ २६, पाल्पाको रिमिघा लेकममा यार्सागुम्बा भेटिएको छ । रम्भा गाउँपालिका ३ स्थित रिमिघा लेकमा एक हप्ता अघि यार्सागुबा जस्तो देखिने जडिबुटी यार्सागुम्बा भएको प्रमाणित भएको छ । डिभिजन वन कार्यालयले केन्द्रीय प्रयोगशालामा गरेको नमुना परीक्षणमा उक्त जडिबुटी यार्सागुम्बा भएको प्रमाणित भएको हो। स्थानीय बासिन्दाले सुन्तलाका बिरुवा लगाउन खनेको खाल्टाहरूमा यार्सागुम्बा जस्तो देखिने जडीबुटी भेटिएपछि डिभिजन वन कार्यालयसंंगको समन्वयमा परीक्षणका लागि राष्ट्रिय विधि विज्ञान प्रयोगशाला खुमलटार, ललितपुर पठाइएको थियो । उक्त जडिबुटी फेला परेपछि पालिकाले रिमिघालेक जङ्गल प्रवेशमा रोक लगाएको थियो । गाउँपालिकाका अध्यक्ष विष्णुप्रसाद भण्डारीका अनुसार प्रधानमन्त्री रोजगार कार्यक्रममार्फत रिमिघा लेकका झाँडी फाँडेर सुन्तलाका बोट लगाउन खाल्टा खन्ने क्रममा यार्सागुम्बा जस्तो देखिने जडीबुटी फेला परेको थियो । परीक्...

जेठ २६, जयराम सापकोटा । ऐतिहासिक शहर तानसेन ३ भगवति टोल स्थित वद्रेश्वर शिवालयधाम सन्यास आश्रममा अठारपुराण मध्ये वार्षिक अनुष्ठान अन्तरगत यस वर्ष चौथो वराहपुराण महायज्ञ सम्पन्न भएको छ । साल जेष्ठ १८ गते वाजागाजा र भजन कृतनका साथ नेपालकै प्रथम महिला जगतगुरु शंकराचार्य महामन्डलेश्वर माता हेमानन्द गिरीजी महाराज र ध्यानी बाबा सहित विभिन्न धार्मिक, सामाजिक व्यक्ति र संघ संस्था सहित नगर परिक्रमा गरि शुभारम्भ भएको सप्ताह ज्ञान महायज्ञको यहि जेठ २५ गते सफलताका साथ सम्पन्न भएको हो । उक्त महायज्ञमा नेपालकै प्रथम महिला जगतगुरु शंकराचार्य माता हेमानन्द गीरी महाराजले १८ गते देखि २२ गते सम्म आध्यात्मिक चिन्तन सम्वन्धि प्रवचन दिनु भएकि माताले विदाइको क्रममा आफुलाई तानसेन असाध्यै मन परेको र यहि बद्रेश्वर शिवालय धामको गौशाला माथी दुई कोठा निर्माण गरि नेपालभरको महामन्डलेश्वरको आफ्नो जिम्वेदारी यहि रहेर...

जेठ २५. आज कोशी प्रदेशलगायत देशका अन्य ठाउँमा छिटपुट वर्षा भए पनि तत्काल ठूलो पानी पर्ने सम्भावना नरहेको जल तथा मौसमपूर्वानुमान महाशाखाले जनाएको छ । पर्सिदेखि देशका पश्चिमी भागमा पानी पार्ने प्रणाली विकसित हुने सम्भावना रहेको महाशाखाका मौसमविद् जनाएका छन् । यसवर्षको मनसुन कोशी प्रदेशमै रोकिदा बदली र वर्षा कम भएको महाशाखाले जनाएको छ । यस वर्ष औषत समयभन्दा १५ दिन चाँडो नेपाल भित्रिएको मनसुन दश दिनसम्म पनि अगाडि बढ्न सकेको छैन । कोशी प्रदेशमा प्रवेश गरेपछि सामान्यतया १२ देखि १५ दिनमा देशभर फैलने गर्थ्यो । गएको वर्ष जेठ २८ गते नेपाल प्रवेश गरेको मनसुन त्यसको १३ दिनमा अर्थात् असार १० गते देशभर फैलिसकेको थियो । अहिले मनसुनी वायुभन्दा पश्चिमी वायुको शक्ति बढी रहेकाले मनसुनी वायुलाई पश्चिमतर्फ अघि बढ्न नदिएको महाशाखाको भनाइ छ ।...

जेठ २४ जयराम सापकोटा । राष्ट्रिय लोक तथा दोहोरी गित प्रतिष्ठान पाल्पाले संचालन गरेको १ हप्ते मादल वजाउने तालिमको समापन तानसेन नगर प्रमुख शन्तोषलाल श्रेष्ठको प्रमुख आतिथ्यतामा सम्पन्न भएको छ । प्रतिष्ठानका अध्यक्ष कमल भट्टाइको अध्यक्षतामा सम्पन्न उक्त कार्यक्रममा २४ जना भन्दा बढिले तालिमको सातै दिन उपस्थित भएर उत्साहजनक रुपमा तालिम लिएका, र तालिम लिनेहरु थप तालिम लिन इच्छुक भएको प्रशिक्षक रुपेश कार्कीले वताउनु भयो । समापन कार्यक्रमलाई सम्वोधन गर्दै कार्यक्रमका संयोजक पवन वस्यालले प्रतिष्ठानले तानसेनमा पहिलो पटक मादल वजाउने तालिम संचालन गरेको र अव दोस्रो चरणमा यसलाई अझै व्यवस्थित गर्दै हार्वनियम वजाउने तालिम दिने आफुहरुको सोच रहेको जानकारि दिनुभयो । कार्यक्रममा विशिष्ठ अतिथि प्रतिष्ठानकी निवर्तमान अध्यक्ष तथा प्रदेश सदस्य रेखा थापा र पत्रकार महासंघका अध्यक्ष कमल तिमल्सिना लगायतले तालिमक...