लुम्बिनी

बैशाख २५, पाल्पा तिनाउ गाउँपालिकाले कृषि तथा पशुपालनको क्षेत्रमा आाधुनिकता ल्याउदै छ । परम्परागत कृषि प्रणालीलाई प्रविधियुक्त, वैज्ञानिक र बजारमुखी बनाउँदै आफ्ना किसानहरूको जीवनस्तर उकास्न पालिका आधुनिकीकरणको दिशामा अघि बढेको हो । चालू आर्थिक वर्षमा १ सय ३४ वटा हाते ट्याक्टर बितरण गर्ने तयारी गरेको छ । यी ट्याक्टरहरू खरिद प्रक्रियाबाट खरिद गरिसकिएको र वडा तथा टोलबाट माग संकलन गरिएको गाउँपालिका अध्यक्ष प्रेम श्रेष्ठले बताउनुभयो । सबै ट्याक्टरहरू नेपाल सरकारको मान्यताप्राप्त र मेकानिकल इन्जिनियरहरुबाट प्रमाणित रहेको बताउदै यसवर्ष कृषि कार्यक्रम अन्तरगत १५ वटा कुटानी पिसानी मिल समेत बितरण हुदैछ । गाउँपालिकाले गोरू बिस्थापन गरी कृषिमा आधुनिकीकरण ल्याउने कार्यक्रम अगाडि सारेको अध्यक्ष श्रेष्ठले जनाउनुभयो । कृषिमा आधुनिकीकरणको कार्यक्रम अन्तरगत अघिल्ला वर्षहरुमा पनि तिनाउले हाते ट्याक्टर ...

बैशाख २४, पाल्पा मा पत्रकारको लागी तालिम संचालन गरिएको छ । तालिमको आयोजना नेपाल पत्रकार महासंघ लुम्विनी प्रदेश,आन्तरिक मामिला तथा कानुन मन्त्रालय लुम्विनी प्रदेशको सहयोग र पत्रकार महासंघ पाल्पाको समन्वयमा पत्रकारहरुको क्षमता विकासको लागी तालिम संचालन गरिएको हो । तालिमको उद्घाटन कार्यक्रममा वरिष्ठ पत्रकार एवम् प्रेस स्वतन्त्रता सेनानी मेघराज शर्माले पत्रकारिता गरिरहेका पुस्ता र नयाँ प्रवेशी पत्रकारहरुलाई लक्षित गरी आयोजना गरिएको यो तालिम समय सापेक्ष र ब्यवहारिक हुने बिश्वास व्यक्त गर्नुभयो । उहाँले विगतका दिनहरुमा हुदै आएको परम्परागत शैलीको पत्रकारिता अब प्रविधि उन्मुख भइसकेकोले पत्रकारहरू विकसित प्रविधिको विषयमा दक्ष हुनुपर्नेमा जोड दिनुभयो । त्यस्तै कार्यक्रममा नेपाल पत्रकार महांसघ पाल्पाका अध्यक्ष कमलराज तिमिल्सेना,नेपाल प्रेश चौतारी नेपालका केन्द्रीय उपाध्यक्ष चेतन अधिकारी, लुम्व...

बैशाख २३, जिल्लाको संस्थागत विधालयमा पुरानो र स्थापित पाल्पा आवासिय माविले फुड फेस्टिवल कार्यक्रम सम्पन्न गरेको छ । गत शुक्रबार आवासियले अतिरिक्त क्रियाकलाप अन्तरगत फुड फेस्टिवल कार्यक्रम गरेको हो । कार्यक्रममा बिद्यालयका बिद्यार्थी तथा शिक्षकहरुले बिभिन्न खानाका परिकार सहितका स्टलहरू राखेका थिए । स्टलहरुमा पुगेर बिद्यार्थी, अभिभावक, शिक्षक तथा अतिथिहरुले फुड फेस्टिवलमा राखिएका बिभिन्न ३६ प्रकारका खानाका परिकारको स्वाद लिएका थिए । बिद्यालयका प्रिन्सिपल गोपाल बहादुर पिसीले गुणस्तरीय शिक्षाका साथै अतिरिक्त क्रियाकलापमा बिशेष जोड दिदै अभिभावकसँग नियमित भेटघाट तथा अन्तरक्रि गर्दै बिद्यालयको शिक्षण क्रियाकलापलाई समय सापेक्ष अगाडि बढाइएको सो कार्यक्रममा बताउनु भएको थियो । त्यस्तै बिद्यालय संचालक समिति सदस्य शंकर प्रसाद शर्माले यस्ता अतिरिक्त क्रियाकलापबाट बिद्यार्थीहरुमा रचनात्मक ज्ञान सीपको...

बैशाख १५, पाल्पाको रैनादेवी छहरा १ सिद्धेश्वरमा हिजो राती जिप दुर्घटना हुँदा ३ जनाको मृत्यु भएको छ । लु१ज २३७७ नम्बरको जिप चढेर सिद्धेश्वरको असारे जंगलमा लागेको डढेलो निभाउन गएका व्यक्तिहरू सवार जिप दुर्घटना हुँदा तीन जनाको मृत्यु भएको जिल्ला प्रहरी कार्यालय पाल्पाले जनाएको छ । सर्वोत्तम सिमेन्टको खानी नजिकै १५० मिटर तल जिप खस्दा दिपेन्द्र बुढा, चेतबहादुर बिक र जनक रेगामीको घटनास्थलमै ज्यान गएको हो । दुर्घटनामा सरोज बुढा र रन्जन रेस्मी घाइते भएका छन्। डढेलो निभाउने क्रममा भएको दुर्घटनाले गाउँमा शोकमय भएको छ । घटनाबारे थप अनुसन्धान भइरहेको प्रहरीले जनाएको छ।...

वैशाख ४, देशभर आगामी शनिबार र आइतबार बालबालिकाहरूलाई भिटामिन ‘ए’ र जुकाको औषधि खुवाइने भएको छ। राष्ट्रिय भिटामिन ‘ए’ कार्यक्रम अन्तर्गत ६ महिना देखि ५ वर्ष उमेरसम्मका बालबालिकालाई खुवाउन लागिएको हो। त्यसैगरी ६ महिनाभन्दा माथिका बालबालिकालाई ‘बाल भिटा’ पोषणयुक्त आहार दिइनेछ। नियमित खोप लगाउन छुटेका ५ वर्षमुनिका बालबालिका पनि खोप दिइने छ। पाँच वर्षमुनिका करिब २७ लाख बालबालिकालाई भिटामिन ‘ए’ र २३ लाख बालबालिकालाई जुकाको औषधि खुवाइने लक्ष्य रहेको छ। आफ्नो घर नजिकको खोप केन्द्रमा लगेर बालबालिकाहरुलाई भिटामिन ‘ए’ र जुकाको औषधि खुवाउन स्वास्थ्य सेवा विभागले आग्रह गरेको छ। अभियानमा देशभरिका ५२ हजार स्वास्थ्य स्वयंसेविका परिचालन गरिने छ। पायक पर्ने ठाउँ स्कुल, स्वास्थ्य चौकी वा कुनै सामुदायिक भवनमा राखेर भिटामिन ‘ए’ र जुकाको औषधि खुवाउने तयारी स्थानीय तहले गरेका छन्। यो कार्यक्रम हरेक वर्ष प...

चैत २९ भोजराज भट्टराई पाल्पाको बगनासकाली गाउँपालिकाले चालु आर्थिक वर्षको तेस्रो त्रैमासिक सामाजिक सुरक्षा भत्ता निकासा गरेको छ । गाउँपालिकाभित्र तेस्रो त्रैमासिकमा गाउँपालिका भित्र सामाजिक सुरक्षा भत्ता खान योग्य ३ हजार १ सय ८७ लाभग्राहीको लागि ३ करोड, १९ लाख, ९८ हजार ९ सय ४५ रुपैंया गाउँपालिकाले लाभग्राहीको नेपाल बैंकमा रहेको खातामा जम्मा गरिदिएको हो । जसअन्तर्गत जेष्ठ नागरिक ६८ वर्ष माथिका १ हजार ९ सय ९५ जनाको लागि २ करोड ३६ लाख ८२ हजार २ सय ९४ रुपैंया, जेष्ठ नागरिक दलित १ सय ४४ जनाको लागि ११ लाख ४१ हजार १ सय चालिस रुपैंया लाभग्राहीको खातामा जम्मा भएको छ । यस्तैगरी २ सय ५५ जना जेष्ठ एकल नागरिकको लागि २० लाख ३४ हजार ९ सय रुपैंया, ४ सय ४८ विधवा आर्थिक सहायता अन्तर्गत ३५ लाख ५६ हजार ४ सय २० रुपैंया जम्मा भएको छ । गाउँपालिकाभित्र रहेका पूर्ण अपाङ्गता ५२ जनाको लागि ६ लाख १९ हजार ९४ नब्बे...

चैत २८ शुक्रबार देखि सुरु भएको दोस्रो तानसेन महोत्सव हावाहुरी र वर्षाका कारण प्रभावित भएको छ । बुधबार दिउँसोदेखि परेको वर्षा र रातीको ठूलो हावाहुरीका कारण महोत्सव प्रभावित बनेको हो । हिजो कार्यक्रमको तयारी भइरहेको बेला अचानक वर्षा र हावाहुरी चलेपछि महोत्सव हेर्न भेला भएका हजारौं बाल बच्चादेखि बुढापाका बिच भागदौड मच्चिएको थियो । कार्यक्रमा आफ्नो प्रस्तुती देखाउन आएका स्थानीयदेखि राष्ट्रियस्तरका कलाकारहरु समेत आफ्नो कला देखाउनबाट बञ्चित भए । हावाहुरी र पानीले स्टल उडाएको छ भने मन्च अहिले अस्तव्यस्त छ । वर्षा र हावाहुरीका कारण महोत्सव स्थलमा ठूलो क्षति पुगेकाले पुनः नयाँ संरचना निर्माण गरेर मात्र महोत्सव सञ्चालन गरिने आयोजकले जनाएको छ ।            ...

चैत २८ प्रधानमन्त्री केपी शर्मा ओलीले पाणिनीको जन्म पाकिस्तानमा भएको भन्नु भ्रमपूर्ण रहेको दाबी गरेका छन् । अर्घाखाँचीमा ‘पाणिनी तपोभूमि सम्मेलन’को उद्घाटन गर्दै प्रधानमन्त्री ओलीले पाणिनीको जन्मस्थान अर्घाखाँचीको पाणिनीमा भएकोमा कुनै शंका नरहेको बताए । ‘विश्वका व्याकरणका पिता पाणिनी यही भूमिमा जन्मनुभएको हो, यो भूमि पावन छ, पुण्य छ, देवभूमि हो, यहाँबाटै ज्ञानको सुरुवात भयो,’ प्रधानमन्त्री ओलीले भने । उनले थपे, ‘ऋषिहरू ध्यान र तपस्याको लागि उपयुक्त भूमि खोज्थे, शिवका डमरुको ध्वनि सुनेर व्याकरण सृजना गर्ने पाणिनिको साधना यहीँ भएको हो ।’ पाणिनीको योगदान असाधारण रहेको उल्लेख गर्दै प्रधानमन्त्रीले अष्टाध्यायीमार्फत संस्कृत व्याकरणको ३ हजार ९५९ सूत्र निर्माण गरिएको र ती सूत्रहरू आजको आधुनिक प्रविधि, विशेषगरी कृत्रिम बौद्धिकता (एआई) विकासमा समेत प्रयोग भैरहेको बताए । । पाणिनी गाउँपा...