खेलकुद

माघ २८, पाकिस्तानले टी–२० विश्वकपमा लगातार दोस्रो जित निकालेको छ । मंगलबारको तेस्रो खेलमा पाकिस्तानले अमेरिकालाई ३२ रनले पराजित गरेको हो । यो जितले पाकिस्तानलाई समूह ‘ए’को अंक तालिकाको शीर्ष स्थानमा पुर्‍याएको छ । कोलम्बोको एसएससी रंगशालामा भएको खेलमा अमेरिकाले टस जितेर बलिङ रोज्यो । पाकिस्तानले २० ओभरमा ९ विकेट गुमाएर १९० रन बनायो । जवाफमा अमेरिकाले २० ओभरमा ५ विकेट गुमाएर १५८ रन मात्र बनाउन सक्यो ।...

माघ २६, नेपाल टी–२० विश्वकप क्रिकेटमा आफ्नो पहिलो खेलमा इंग्ल्यान्डसँग ४ रनले पराजित भएको छ। १८५ रनको लक्ष्य पछ्याएको नेपालले २० ओभरमा ६ विकेट गुमाउँदै १८० रन मात्र बनाउन सक्यो। अन्तिम ओभरमा १० रन आवश्यक हुँदा साम करनले ५ रन मात्र दिए। लोकेश बमले २० बलमा अविजित ३९ रन बनाउँदै उत्कृष्ट प्रदर्शन गरे। इंग्ल्यान्डले टस जितेर ब्याटिङ गर्दै ७ विकेटको क्षतिमा १८४ रन बनाएको थियो।...

माघ २५, भारतले टी–२० विश्वकप २०२६ को आफ्नो पहिलो खेलमा अमेरिकालाई २९ रनले पराजित गरेको छ । अमेरिकाले टस जितेर पहिले बलिङ गर्ने निर्णय गरेको थियो । शनिबार राति मुम्बईस्थित वानखेडे रंगशालामा खेलिएको खेलमा भारतले २० ओभरमा नौ विकेट गुमाएर १६१ रन बनाएको थियो । जवाफमा अमेरिकी टोलीले निर्धारित ओभरमा आठ विकेट गुमाएर १३२ रन मात्र बनाउन सक्यो ।अमेरिकाका लागि सञ्जय कृष्णामुर्थीले सर्वाधिक ३७ र मिलिंद कुमारले ३४ रन बनाएका थिए । शुभम रन्जानेले अविजित ३७ रन बनाएका थिए । यसअघि भारतले टस हारेर पहिला ब्याटिङ गर्दै २० ओभरमा ९ विकेट गुमाएर १६१ रन बनाएको थियो । भारतका लागि कप्तान सूर्यकुमार यादवले अविजित ८४ रन बनाए भने तिलक बर्माले २५ र इशान किशनले २०, अक्सर पटेलले १४ रन बनाएका थिए ।...

असोज २६, आईसीसी टी-२० विश्वकप एशिया तथा इस्ट एशिया प्यासिफिक छनोटको सुपर सिक्समा पुगेको नेपालले आज यूएईसँग खेल्दैछ । खेल ओमानमा नेपाली समयअनुसार दिउँसो सवा ४ बजे शुरु हुनेछ । सुपर सिक्समा नेपालले यूएईसहित कतार, ओमान र सामोआसँग खेल्ने छ । सुपर सिक्समा समूह ‘ए’ बाट यूएई र कतार, समूह ‘बी’ बाट नेपाल र जापान तथा समूह ‘सी’ बाट ओमान र सामोआ पुगेका छन् । सुपर सिक्समा शीर्ष तीनमा पर्ने टोलीले आउँदो वर्ष भारत र श्रीलङ्कामा हुने टी-२० विश्वकप खेल्न पाउनेछन् ।...

असोज २३ , आइसिसी टी ट्वान्टी विश्वकप एसिया तथा इस्ट एसिया प्यासिफिक छनोट खेलमा नेपाल विजयी भएको छ । ओमानको अल अमेरतस्थित ओमान क्रिकेट एकेडेमी–१ मा गएराति सम्पन्न समूह ‘बी’को पहिलो खेलमा नेपालले कुवेतलाई ५८ रनले पराजित गर्दै विजयी भएको हो । अब नेपालले समूह चरणको अर्को खेल शुक्रबार जापानसँग खेल्नेछ ।

असोज २२, आईसीसी टी-२० विश्वकप एशिया तथा इस्ट एशिया प्यासिफिक छनोटका खेल आजदेखि ओमानमा शुरू हुँदैछन् । पहिलो दिन नेपालले आज कुवेतसँग खेल्दैछ । खेल नेपाली समयअनुसार राति पौने नौ बजे शुरू हुनेछ । नेपालले विश्वकप छनोटको समूह चरणमा कुवेतसँगै जापानसँग पनि खेल्नेछ । समूहको शीर्ष दुईमा रहने टोली सुपर–सिक्समा पुग्नेछ । सुपर–सिक्समा ६ टोलीमध्ये शीर्ष तीनमा पर्ने टोलीले आउँदो वर्ष भारत र श्रीलङ्कामा हुने टी–२० विश्वकप खेल्न पाउनेछन् ।...

असोज  ४, एशिया कप टी–२० क्रिकेटमा ओमान भारतसँग २१ रनले पराजित भएको छ । गएराति सम्पन्न अन्तिम खेलमा ओमान भारतसँग पराजित भएपनि उत्कृष्ट प्रदर्शन गर्न सफल भएको छ ।

भदौ १४, नेपाललाई हराउँदै भारतले एक खेलअगावै भुटानमा चलिरहेको साफ १७ वर्षमुनिको महिला च्याम्पियनसिपको उपाधि जितेको छ । हिजो बेलुका भएको खेलमा नेपाल भारतसँग ५ गोलले पराजित भयो ।  

भदौ ६, अस्ट्रेलियामा जारी टप इन्ड टी–२० सिरिजमा शुक्रबार नेपालले पाकिस्तानको सामना गर्दैछ । सिरिजअन्तर्गत समूह चरणको अन्तिम अर्थात् छैटौं खेलमा नेपालले पाकिस्तान सँग प्रतिस्पर्धा गर्न लागेको हो । यो खेल नेपाली समयअनुसार शुक्रबार दिउँसो ३ः१५ बजे सुरु हुनेछ । नेपालले सिरिजका पाँच खेल खेलिसकेको छ । जसमध्ये दुई खेलमा विजयी हुँदा तीन खेल गुमाएको छ । चौथो र पाँचौं खेलमा भने नेपालले सानदार जित निकालेको छ ।...

भदौ ०५, अष्ट्रेलियामा जारी टप एण्ड टी–ट्वन्टी क्रिकेट श्रृंखलामा नेपालले दोस्रो जित निकालेको छ । हिजो भएको खेलमा मेलबर्न रेनेगड्स एकेडेमीलाई ३३ रनले हराउँदै नेपालले लगातार दोस्रो जित निकालेको हो । खेलमा टस जितेर पहिले ब्याटिङ गरेको नेपालले निर्धारित २० ओभरमा ९ विकेट गुमाएर १ सय ३९ रन बनायो । जवाफमा १४० रनको लक्ष्य पछ्याएको मेलबर्न २० ओभरमा अलआउट हुँदै १ सय ६ रनमा समेटियो । नेपाललाई जिताउन सोमपाल कामीले सर्वाधिक पाँच विकेट लिए । यो जितसँगै नेपालले पाँच खेलबाट चार अंक जोडेको छ । सुरुका तीन खेलमा पराजित भएको नेपालले पछिल्ला दुई खेलमा लगातार जित निकालेको हो ।  ...