समाचार

असोज २३, दुई वर्षदेखि गाजामा हमासले बन्धक बनाएको भनिएका नेपाली विद्यार्थी विपिन जोशी बोलिरहेको भिडिओ क्लिप्स सार्वजनिक भएको छ । द टाइम्स अफ इजरायलले बुधबार राति २०२३ अक्टोबर ७ का दिन किबुट्ज अलुमिममा भएको आक्रमणका क्रममा हमासले विपिन अपहरण गरेको केही समयपछि खिचेको भिडिओ भन्दै सार्वजनिक गरेको हो। इजरायलको रक्षा बलले बरामद गरी विपिनको परिवारलाई उपलब्ध गराएको भिडिओ २०२३ नोभेम्बरमा खिचिएको विश्वास गरिएको छ। ३३ सेकेन्डको भिडिओमा जोशी अंग्रेजीमा बोलिरहेका छन्। मेरो नाम बिपिन जोशी हो। म नेपालबाट हुँ। म २३ वर्षको भएँ। म २५ दिनअघि इजरायल आएको थिएँ। म यहाँ सिक्नुहोस् र कमाउनुहोस् कार्यक्रमका लागि आएको थिएँ, म एक विद्यार्थी हुँ’, उनी भनिरहेका छन्, ‘म सिट्रस र कागती फार्ममा कृषि फार्ममा काम गर्छु।’ उक्त भिडिओसँगै उनी जीवित रहेको आशा पलाएको छ। तर त्यो भिडिओ २ वर्षअघिकै भएकाले विपिनको वर...

असोज २३, आज कोशी प्रदेश लगायत देशका पहाडी भू-भागमा आंशिक बदली रही बाँकी भू-भागमा मुख्यतया सफा रहने छ । देशका पहाडी भू-भागका एक-दुई स्थानमा हल्का वर्षाको सम्भावना पनि रहेको छ । सुदूरपश्चिम, कर्णाली प्रदेशलगायत लुम्बिनी प्रदेशको पश्चिमी भूभागको धेरै स्थानहरू र गण्डकी प्रदेशको पश्चिमी भूभागको थोरै स्थानहरूमा पश्चिमी वायुको प्रभाव तथा बाँकी भूभागमा मनसुनी वायु र स्थानीय वायुको कमजोर प्रभाव रहेको मौसम पूर्वानुमान महाशाखाले जनाएको छ । राति कोशी प्रदेशलगायत बागमती प्रदेश र गण्डकी प्रदेशका पहाडी भूभागका एक-दुई स्थानमा हल्का वर्षाको सम्भावना रहेको छ।...

असोज २२, आज कोशी, कर्णाली र सुदूरपश्चिम प्रदेशलगायत देशका पहाडी भू-भागमा साधरणतया बदली रही बाँकी तराई भू-भागमा आंशिक बदली रहने छ। कोशी, कर्णाली र सुदूरपश्चिम प्रदेशका थोरै स्थानहरूमा तथा बाँकी प्रदेशका एक-दुई स्थानमा चट्याङसहित मध्यम वर्षाको सम्भावना रहेको मौसमविद्ले जनाएका छन् ।

असोज २१, निर्वाचन आयोगले आउँदो फागुन २१ गते हुने प्रतिनिधिसभा सदस्य चुनावको कार्यतालिका स्वीकृत गरेको छ । स्वीकृत कार्यतालिकाअनुसार मङ्सिर एक गतेदेखि १० गतेसम्म चुनावी प्रयोजनको लागि राजनीतिक दल दर्ताको कार्यक्रम तय गरिएको आयोगले जनाएको छ । फागुन २१ गते बिहान सात बजेदेखि बेलुकी पाँच बजेसम्म मतदान हुने र दुवै निर्वाचन प्रणालीतर्फको मतपेटिका सङ्कलन भएपछि मतगणना शुरू गरिने छ । समानुपातिक निर्वाचन प्रणालीका लागि मङ्सिर १५ गते निर्वाचन अधिकृतको कार्यालय स्थापना हुने, पुस १८ र १९ गते बन्दसूची पेस गर्ने कार्यक्रम रहेको रहेको आयोगको विज्ञप्तिमा उल्लेख छ ।  ...

असोज ९। निराजन पौडेल, पाल्पा । संघीय राजधानी काठमाडौं छिर्ने मूल मार्ग हो नारायणगढ-काठमाडौं सडक । यस बीचको नारायणगढ-मुग्लिन सडक जहिले अवरुद्ध हुने गर्छ र यो बाटोबाट आउजाउ गर्ने यात्रु सधैं मारमा परेका हुन्छन् । राजधानी जाने यो मार्ग हिँउद न वर्षात् जहिल्यै पहिरो खस्ने र अवरुद्ध हुने हुँदा यात्रुलाई सास्ती हुने गरेको छ । कयौं सरकार फेरिन्छन् अनि कयौं मत्रालयका मन्त्रीहरु पनि । तर यो बाटोको अवस्था अझै सुध्रिएको छैन । निरन्तरको अवरोधले सास्ती र हैरानी खेप्ने भनेको जनताले नै हो । केही दिनदेखि फेरि यो सडक खण्डको तुइनखोलामा पहिरो खस्यो । माथिबाट खसेको ठुल्ठुला ढुंगा सहितको पहिरोले बाटोको नाम निसाना नै बाँकी रहेन । यसले गर्दा अहिले बाटो अवरुद्ध छ । केही दिन अघि खसेको पहिरोलाई भने डोजर लगायतको सहायतामा हटाई बाटो सुचारु गरिएको थियो । पहिरो हटाएको केही समय नबित्दै फेरि उक्त ठाउँमा ठूलो पहिर...

असोज ९ । आश्विन शुक्ल चतुर्थी अर्थात् नवरात्रको चौथो दिनमा आज देशभरका शक्तिपीठ, देवीमन्दिर तथा घरघरका पूजाकोठामा देवी भवानी कुष्माण्डा माताको पूजा–आराधना गरि मनाइदै छ । पौराणिक मान्यताअनुसार सम्पूर्ण ब्रह्माण्डमा व्याप्त जीवित तथा निर्जीव तत्त्व सबै देवी कुष्माण्डाकै कृपाले उत्पन्न भएको हो। सृष्टिको आरम्भ यिनै माताको शक्तिबाट भएको विश्वास गरिन्छ। आफ्नो बलले अण्ड ९ब्रह्माण्ड० उत्पन्न गर्न सक्ने भएकाले देवीलाई कुष्माण्डा भनिएको हो। धार्मिक ग्रन्थअनुसार सृष्टि रचना हुनु अघि चारैतिर अन्धकार मात्र रहेको समयमा यिनै देवीले आफ्नो शक्तिबाट ब्रह्माण्डको सृष्टि गरेकी थिइन्। त्यसैले कुष्माण्डालाई सृष्टिको आदिस्वरूपा र आदिशक्ति भनिन्छ। कुष्माण्डा मातालाई अष्टभुजा पनि भनिन्छ। यिनको आठवटा हातमा क्रमशः कमण्डलु, धनुष, वाण, कमल पुष्प, अमृतपूर्ण कलश, चक्र, गदा र सिद्धि–निधि प्रदान गर्ने माला रहेका छन्। स...

असोज ८ । आज नवरात्रको तेस्रो दिन । नौ दुर्गामध्येकी तेस्रो चन्द्रघण्टा देवीको विधिपूर्वक पूजा आराधना गरिँदैछ। देवीले शिरमा अर्धचन्द्र र हातमा चन्द्रधारी घण्टा भएकाले चन्द्रघण्टा नाम पाएको धार्मिक ग्रन्थमा उल्लेख छ। नेपाल संस्कृत विश्वविद्यालयका पूर्वप्राध्यापक तोयराज नेपालका अनुसार चन्द्रघण्टा देवीको आराधनाले शक्ति प्राप्त हुने विश्वास छ। यिनको स्वरूप पहेँलो वर्णको, शान्त र करुणामयी मानिन्छ। देवीले अत्याचारको अन्त्य गर्ने र भक्तलाई पापमोचन प्रदान गर्ने धार्मिक मान्यता छ। नवरात्रको पहिलो दिन घटस्थापनासँगै शैलपुत्री देवीको, दोस्रो दिन ब्रह्मचारिणी देवीको पूजा गरिएको थियो। आज तेस्रो दिन चन्द्रघण्टा देवीको आराधना गरिँदैछ। नवरात्रभर दुर्गा सप्तशती, देवीभागवत र अन्य स्तोत्र पाठ गरिन्छ। विजयादशमीदेखि कोजाग्रत पूर्णिमासम्म पूजाको प्रसाद ग्रहण गरिन्छ। चन्द्रघण्टा देवीको उपासना गर्दा निम्न मन...

असोज ६, आज आश्विन शुक्ल प्रतिपदादेखि हिन्दूहरूको महान् चाड बडा दसैँ सुरु भएको छ। आजको दिन घरघरमा विधिपूर्वक दियो, कलश र गणेश स्थापना गरी दुर्गा पूजाको आरम्भसँगै घटस्थापना गरिँदैछ। नित्यकर्म सकेर चोखो स्थलबाट ल्याइएको माटो वा बालुवामा गाईको गोबरले लिपपोत गरिएको स्थानमा जमरा रोपिन्छ। दुर्गा देवीको प्रिय वस्तु मानिने यव (जौ) रोप्ने यो परम्परा विजयादशमीसम्म चल्नेछ। दसैँको मुख्य दिन टीका लगाउँदा समृद्धिको प्रतीक पहेँलो जमरा समेत ग्रहण गरिन्छ। धर्मशास्त्रविद् प्रा. डा. देवमणि भट्टराईका अनुसार जमरामा जौबाहेक अन्य अन्न रोप्ने शास्त्रीय विधि छैन। तर, कुल परम्पराअनुसार कतिपयले अन्य अन्न पनि रोप्ने चलन रहेको बताइन्छ। जमरालाई आयुर्वेदिक औषधीका रूपमा समेत प्रयोग गरिन्छ। १५ दिनसम्म मनाइने दसैँको आज पहिलो दिन घटस्थापनासँगै धार्मिक विधि अनुसार पर्व प्रारम्भ भएको हो।...

भदौ ५ । राष्ट्रपति रामचन्द्र पौडेलले नागरिकता विधेयक प्रमाणीकरण गरेका छन् । आइतबार नेपाल नागरिकता ऐन,  २०६३ लाई संशोधन गर्न बनेको विधेयक राष्ट्रपतिबाट प्रमाणीकरण भएको हो । संघीय संसदका दुवै सदनबाट पास भई प्रमाणीकरणका लागि पेश भएको विधेयक आइतबार राष्ट्रपतिबाट प्रमाणीकरण भएको राष्ट्रपतिको कार्यालयले जनाएको छ । विधेयक प्रमाणीकरण भएसँगै नेपालको नागरिकता वितरणको विषय थप लचिलो बन्ने भएको छ । नेपाल नागरिकता ऐन,  २०६३ संशोधन भई नेपालको संविधान अनुरुप बनेसँगै अब नागरिकता वितरण प्रणालीमा थप सरलता आउने देखिएको छ । कतिपय नेपालीहरु नागरिकता विहिन भई बस्नु परेको अवस्थामा अब ऐन संशोधन भएसँगै नागरिकता प्राप्त गर्न सक्ने अवस्था बनेको छ । आज संशोधनको प्रमाणीकरण भएको नागरिकता विधेयकमा आमाको नामबाट मात्रै पनि नागरिकता प्रदान गर्न सकिने व्यवस्था उल्लेख छ । यस्तै बाबुको पहिचान नखुलाईकन पनि नागरिकता दिन सक...