आज पनि देशका धेरै स्थानमा वर्षा हुने

साउन २९,
देशका विभिन्न स्थानमा मौसम बदली र वर्षा हुने क्रम जारी छ। पछिल्लो ६ घण्टामा डोटी, बाजुरा, अछाम र भोजपुरमा धेरै पानी परेको मौसम पूर्वानुमान महाशाखाले जनाएको छ । महाशाखाका अनुसार आज पनि देशभर मौसम बदली तथा विभिन्न स्थानमा वर्षा जारी रहने सम्भावना छ।

हाल मनसुनको न्यूनचापीय रेखा पश्चिम तराई आसपास र पूर्व तराइभन्दा केही दक्षिणतिर रहेकाले मनसुन नेपालको पूर्वी क्षेत्रमा भन्दा पश्चिमतर्फ बढी सक्रिय रहने देखिएको मौसमविद्ले बताएका छन्।