लुम्बिनी

निराजन पौडेल फागुन ५, पाल्पा । राष्ट्रिय स्वतन्त्र पार्टी (रास्वपा) का उम्मेदवार डा. माधव थापाले आज तिनाउ गाउँपालिकामा व्यापक घरदैलो कार्यक्रम सम्पन्न गर्नुभयो । घरदैलो कार्यक्रम अन्तर्गत उहाँले विभिन्न वडामा पुगेर स्थानीय बासिन्दासँग भेटघाट गर्नुभएको थियो । भेटका क्रममा जनताले शिक्षा, स्वास्थ्य, रोजगारी, कृषि तथा विकास सँग सम्बन्धित आफ्ना समस्या राखेका थिए । डा. थापाले ती विषयलाई गम्भीरतापूर्वक लिँदै जनताको सुझावलाई आफ्नो प्राथमिकतामा राखेर काम गर्ने प्रतिबद्धता व्यक्त गर्नुभयो । तिनाउमा कार्यक्रम सम्पन्न गरेलगत्तै उहाँले बगनासकाली गाउँपालिकाको चिर्तुङधारा, पोखराथोक, खोरबारी पुगेर चुनावी भेटघाट तथा अन्तरक्रिया कार्यक्रम सञ्चालन गर्नुभयो । कार्यक्रममा स्थानीय युवायुवती, महिला समूह तथा ज्येष्ठ नागरिकहरुको उल्लेखनीय सहभागिता रहेको थियो । घरदैलो कार्यक्रममा बोल्दै डा. थापाले रोजगारी सिर्...

फागुन ५, फागुन २१ गते हुने प्रतिनिधिसभा सदस्य निर्वाचनका लागि नेपाल प्रहरी उच्च मनोबलका साथ चुनावी सुरक्षामा खटिएको जनाएको छ । प्रहरीका अनुसार स्वच्छ, निष्पक्ष र भयरहित वातावरणमा निर्वाचन सम्पन्न गराउन आवश्यक सुरक्षा व्यवस्था मिलाइएको छ । प्रहरीले शंकास्पद गतिविधि देखेमा नजिकैको प्रहरी कार्यालय वा हटलाइन १०० मा जानकारी गराउन आग्रह गरेको छ । मतदान केन्द्रमा आन्तरिक सुरक्षा, मोबाइल गस्ती, रिजर्भ टोली, क्यूआरटी तथा विशेष निगरानी संयन्त्र सक्रिय रहने जनाइएको छ । प्रहरीले निर्वाचन आचारसंहिता, भीड नियन्त्रण र आपत्कालीन व्यवस्थापन लगायत विषयमा अभिमुखीकरण समेत दिएको जनाएको छ ।  ...

निराजन पौडेल फागुन ४, पाल्पा । राष्ट्रिय स्वतन्त्र पार्टी (रास्वपा) का उम्मेदवार डा. माधव थापाले आज तिनाउ गाउँपालिका का विभिन्न वडाहरूमा घरदैलो कार्यक्रम सम्पन्न गर्नुभयो । चुनावी अभियानलाई तीव्र बनाउँदै उहाँ बिहानदेखि साँझसम्म स्थानीय बस्तीहरूमा पुगेर मतदातासँग प्रत्यक्ष भेटघाट तथा संवादमा सक्रिय रहनुभएको थियो । मतदातासँग प्रत्यक्ष संवाद गर्दै आफ्ना एजेन्डा तथा भावी योजनाबारे जानकारी गराउने उद्देश्यले उहाँ निरन्तर गाउँगाउँ-टोलटोलमा पुगिरहनुभएको छ । घरदैलोका क्रममा उहाँले शिक्षा, स्वास्थ्य, कृषि र युवामुखी कार्यक्रमलाई मुख्य प्राथमिकतामा राखेको बताउनुभयो । घरदैलो कार्यक्रमका क्रममा स्थानीय बासिन्दाहरूले आफ्ना समस्या तथा गुनासाहरू थापासमक्ष खुलस्त रूपमा राखेका छन् । गुणस्तरीय स्वास्थ्य सेवा सहज रूपमा उपलब्ध गराउनुपर्ने, ग्रामीण सडकहरूको स्तरोन्नति गर्नुपर्ने, खानेपानी व्यवस्थापनमा स...

निराजन पौडेल फागुन ४, पाल्पा । राष्ट्रिय स्वतन्त्र पार्टी (रास्वपा) पाल्पाले आगामी निर्वाचनलाई लक्षित गर्दै निर्वाचन परिचालन समिति गठन गरेको छ । पार्टीको जिल्ला कार्य समितिको बैठकले आवश्यक तयारीलाई तीव्र बनाउने उद्देश्यसहित समिति गठन गरेको हो । जिल्ला सभापति विष्णु भण्डारीको सभापतित्वमा गठन गरिएको उक्त समितिमा पार्टीका जिल्ला तथा क्षेत्रीय तहका पदाधिकारीहरूलाई समेटिएको जनाइएको छ । समितिले निर्वाचन केन्द्रित कार्यक्रमहरू सञ्चालन गर्दै संगठनलाई वडा तहसम्म बलियो बनाउने लक्ष्य लिएको छ । क्षेत्रीय सभापति गणेश बस्यालले समितिले मतदाता शिक्षादेखि घरदैलो कार्यक्रम तथा प्रचार-प्रसारलाई प्राथमिकतामा राखेर काम गर्ने जानकारी दिनुभयो । उहाँका अनुसार पार्टीले विकास निर्माणका योजना र जनजीविकासँग सम्बन्धित विषय अभियानका मुख्य एजेन्डा रहनेछन् । समितिले आगामी दिनमा प्रशिक्षण कार्यक्रम सञ्चालन गर्न...

फागुन ३, प्रत्येक वर्ष फाल्गुन कृष्ण चतुर्दशीको मध्यरातमा पर्ने दिन मनाइने महाशिवरात्रि पर्व आज देशभर श्रद्धा र भक्तिपूर्वक मनाइँदैछ। आराध्यदेव भगवान् शिवको विधिपूर्वक पूजा–आराधना गरी व्रत, उपवास र जाग्राम बस्ने परम्परा रहेको छ। वैदिक सनातन धर्मावलम्बीहरू आज बिहानैदेखि नदी, कुण्ड तथा तलाउमा स्नान गरी शिवालयमा पूजा–अर्चना गरिरहेका छन्। दूध, धतुरो र बेलपत्र चढाई उपवास तथा रातभर जाग्राम बसे सर्वसिद्धि प्राप्त हुने धार्मिक विश्वास छ। शिवरात्रिलाई कालरात्रि, मोहरात्रि, सुखरात्रि र शिवरात्रि गरी चार प्रमुख रात्रिमध्ये एक पवित्र पर्वका रूपमा शिव पुराण लगायतका ग्रन्थमा उल्लेख गरिएको छ। महाशिवरात्रि दीनदुःखी र कष्टमा परेका जीवको हृदयमा धर्म जागृत गराउने भगवान् शिवको प्रिय दिनका रूपमा श्रद्धापूर्वक मनाइँदै आएको छ।...

फागुन २, आगामी फागुन २१ गते हुने प्रतिनिधि सभा सदस्य पदको निर्वाचन नजिकिँदै जाँदा पाल्पा क्षेत्र नं.२ मा चुनावी माहोल तातिँदै गएको छ। पूर्व मन्त्री तथा नेपाल कम्युनिस्ट पार्टीका उम्मेद्वार सोमप्रसाद पाण्डेयले घरदैलो अभियानलाई तीव्रता दिँदै मतदातासँग आफ्ना चुनावी एजेन्डा र विकासका योजनाबारे जानकारी गराइरहेका छन्। घरदैलो कार्यक्रमका क्रममा पाण्डेयले जनतामा देखिएको निराशा र आक्रोशलाई आशामा बदल्नुपर्ने बताए। समस्या बुझ्दै  दीर्घकालीन योजनामा सँगै लाग्ने प्रतिबद्धता बलियो बन्दै गएको उनले बताएका छन् । पाल्पाका विभिन्न स्थानमा आयोजित मतदाता भेटघाट तथा छलफल कार्यक्रममा पाण्डेयले आफू नागरिकको सुख-दुःखमा सधैं साथमा रहेको दाबी गरे। उनले आगामी दिनमा निर्वाचित भए वा नभए पनि जनताको माग र आवश्यकताअनुसार अघि बढ्ने प्रतिबद्धता व्यक्त गरेका छन्।...

फागुन २, पाल्पाको रैनादेवी छहरा गाउँपालिका-५ अन्तर्गतका विभिन्न टोलबस्तीका सयौँ नेता तथा कार्यकर्ता राष्ट्रिय स्वतन्त्र पार्टी (रास्वपा) मा प्रवेश गरेका छन्। स्थानीय स्तरमा लामो समयदेखि सक्रिय रहेका नेता तथा कार्यकर्ताहरू एकैसाथ रास्वपामा प्रवेश गरेपछि क्षेत्रको राजनीतिक गतिविधि थप चासोको विषय बनेको छ। रास्वपा पाल्पाका सभापति विष्णु भण्डारीका अनुसार उनीहरू परिवर्तनको सन्देशसहित पार्टीमा प्रवेश गरेका हुन्। उनले रैनादेवी छहरा क्षेत्रका जनताले नयाँ सोच, नयाँ संस्कार र उत्तरदायी नेतृत्व खोजिरहेको बताउँदै रास्वपामा बढ्दो आकर्षण त्यसैको संकेत भएको प्रतिक्रिया दिएका छन्। पार्टी प्रवेश कार्यक्रममा सहभागी नयाँ सदस्यहरूले पुराना दलबाट अपेक्षित परिवर्तन हुन नसकेको भन्दै अब रास्वपामार्फत देशमा सकारात्मक रूपान्तरणको अभियान अघि बढाउने प्रतिबद्धता व्यक्त गरेका छन्। उनीहरूले भ्रष्टाचार नियन्त्रण, स...

फागुन २, राष्ट्रिय स्रोत तथा वित्त आयोग को मूल्याङ्कनमा रिब्दीकोट गाउँपालिका पहिलो भएको छ। पाल्पा जिल्लाका दुई नगरपालिका र आठ गाउँपालिकामध्ये रिब्दीकोटले ६९.९८ अंक प्राप्त गर्दै शीर्ष स्थान हासिल गरेको हो। गाउँपालिका अध्यक्ष नारायण बहादुर कार्कीका अनुसार आयोगले हालै सार्वजनिक गरेको प्रतिवेदनमा रिब्दीकोट उत्कृष्ट ठहरिएको हो। संघीय मामिला तथा सामान्य प्रशासन मन्त्रालय अन्तर्गतको निकायले स्थानीय तहको कार्यसम्पादन मूल्याङ्कन गर्दै आएको छ। यस्तो मूल्याङ्कनले स्थानीय तहबीच प्रतिस्पर्धा बढाई सेवा प्रवाहलाई प्रभावकारी बनाउने अपेक्षा गरिएको छ।...

फागुन २ तिनाउ गाउँपालिका–३, दोभान पाल्पामा टिप्परको ठक्करबाट दुई जनाको ज्यान गएको छ । बुटवलदेखि पाल्पा तर्फ आउदै गरेको लु ४९ प ७७९५ नम्बरको मोटरसाईकललाई विपरीत दिशातर्फ जाँदै गरेको लु २ ख १८८३ नम्बरको टिप्परले ठक्कर दिँदा दुई जनाको मृत्यु भएको हो । मोटरसाईकलमा सवार नामथर नखुलेको एक पुरुष र एक महिला घाइते भएका थिए । उनीहरुलाई उपचारको लागि लुम्बिनी प्रादेशिक अस्पताल बुटवल पठाएकोमा डाक्टरले चेकजाँच गर्दा मृत घोषणा गरेको जिल्ला प्रहरी कार्यालय पाल्पाका प्रहरी नायव उपरीक्षक होमप्रकाश चौधरीले बताए । प्रहरीले टिप्पर चालकलाई नियन्त्रणमा लिई सवारी दुर्घटना सम्बन्धी थप अनुसन्धान भइरहेको बताईएको छ ।...

निराजन पौडेल फागुन १, पाल्पा । माघ महिना मौसम निकै चिसो । साँझ पनि परि सकेको । तर तानसेनका बासिन्दाहरूले त्यसको खासै वास्ता गरेनन् । उनीहरूका लागि त्यो चिसोभन्दा ठूलो कुरा थियो रवि लामिछानेलाई देख्ने अनि भेट्ने रहर । टुँडिखेलको गेट अगाडि मानिसहरूको बाक्लो भीड। कोही हातमा पार्टीको झण्डा बोकेका थिए, कोही मोबाइल तयार पारेर भिडियो खिच्न आतुर देखिन्थे, त कोही आफ्ना साथीहरूसँग कुराकानी गर्दै समय कटाइरहेका थिए । सबैको ध्यान थियो रवि लामिछाने कति बेला आइपुग्ने हुन् ! समय बित्दै जाँदा भीड झनै बाक्लो हुँदै गयो । विभिन्न उमेर समूहका मानिसहरूको उपस्थिति देखिन्थ्यो । कतिपयले नारा लगाउँदै माहोललाई तातो बनाइरहेका थिए। टुँडिखेलको आसपास सुरक्षाकर्मीहरू पनि थिए । अन्ततः प्रतीक्षाको घडी समाप्त भयो । रवि लामिछाने कार्यक्रम स्थलमा आइपुगे । उनको आगमनसँगै भीडमा धेरै हलचल मच्चियो दर्शकहरूले फूलका थुँगाले ...